________________
(એકવીસમા શ્રી નમિનાથ પરમાત્માનું સ્તવન
શ્રી નમિ જિનવર સેવ, ધનાધન ઉનમ્યો રે ધનાધન ઉનમ્યો રે દીઠો મિથ્યા રોરવ, ભવિક ચિત્તથી ગમ્યો રે,
'ભવિક ચિત્તથી ગમ્યો રે | શુચિ આચરણા રીતિ, તે અભ્ર વધે વડા રે, તે અભ્ર વધે વડારા આતમ પરિણતિ, શુદ્ધ તે વીજ ઝબૂકડા રે,
તે વીજ ઝબૂકડા રે II ૧II ગાથાર્થ - શ્રી નમિનાથ પ્રભુની સેવા એ ઘનાધન (ઘણા ગાઢ વાદળ વાળો) મેઘ ચઢી આવેલો જાણવો. પ્રભુની સેવા રૂપી મેઘને દેખવાથી મિથ્યાત્વ રૂપી દુકાળ ભવ્યજીવોના ચિત્તમાંથી ચાલ્યો ગયો છે. દિવસે દિવસે પવિત્ર આચરણા કરવા રૂપી વાદળોની વધારે મોટી વૃદ્ધિ થાય છે. તેમાં આત્માની નિર્મળ પરિણતિ રૂપી વીજળી ઘણી ઝબુકે છે. / ૧ /
વિવેચન - હવે એકવીસમા તીર્થંકર પરમાત્મા જિનરાજ શ્રી નમિનાથ પરમોપકારી છે. તેઓના ગુણો સ્તવનકાર મહારાજશ્રી ગાય છે કે –
એકવીસમા જે નમિનાથ ભગવાન છે તે અકષાયી છે. કષાય વિનાના છે. વળી વીતરાગ છે. પરમજ્ઞાની છે. પરમાત્મા છે. શુદ્ધસ્વરૂપના ભોગી છે. ચિદાનંદઘન છે. નિર્વિકારી એવા આ પરમાત્મા છે. તેમને વીતરાગ તરીકે ઓળખવા, તથા તેમનો યથાર્થ એવો યોગ મેળવવો અતિશય દુર્લભતર છે. શાસ્ત્રમાં કહ્યું છે કે -
इंदत्तं चक्कित्तं सुरमणि कप्पदुमस्स कोडीणं ॥ लाभो सुलहो, दुलहो दसणो तित्थनाहस्स ॥ १ ॥
