________________
શ્રી અનંતનાથ પરમાત્માનું સ્તવન
૨૧
બની જાય છે. આ પરમાત્મા એવા પ્યારા લાગી જાય છે કે સતત તેમની સેવા-પૂજામાં આ આત્મા જોડાઈ જાય છે એક પણ દિવસ જો આ પરમાત્માનાં દર્શન વંદન અને પૂજન ન થયાં હોય તો આ જીવને ચેન પડતું નથી. બેચેની જ બેચેની જ વ્યાપે છે. સ્થાપના પ્રત્યેનો આટલો બધો પ્રેમ અને ઉલ્લાસ જાગે છે.
તથા અશોકવૃક્ષ સુરપુષ્પવૃષ્ટિ, દિવ્યધ્વનિ, ચામર, આસન, ભામંડળ છત્ર ઇત્યાદિ બાહ્યવિભુતિના ગુણો તથા અનંતજ્ઞાન અનંતદર્શન અનંત ચારિત્ર અને અનંતવીર્ય ઇત્યાદિ ગુણસંપત્તિ સ્વરૂપ અભ્યન્તર વિભૂતિ એમ પરમાત્માની બન્ને પ્રકારની વિભૂતિ તરફ આ સાધક આત્મા આકર્ષાય છે.
આવા પ્રકારના અપરિમિત અનંતગુણોનો નિરંતર આસ્વાદ આ પરમાત્મા કરી રહ્યા છે. આ પરમાત્મા તે ગુણોની વૃત્તિમાં જ તન્મય છે આવું જાણીને સાધક આત્મા પણ ગુણોની વૃત્તિ તરફ આકર્ષાય છે અને મોહની ધૂલીને ત્યજીને ગુણોની પ્રવૃત્તિ તરફ આગળ ધસે છે. દુર્ગુણોને ફેંકી દઈને ગુણમય જીવન જીવવા તરફ આગળ વધે છે. ગુણસ્થાનકોમાં ઉર્વારોહણ કરે છે. | ૬ ||
ગુણ અનંત હો પ્રભુ, ગુણ અનંતનો વૃન્દ, નાથ હો પ્રભુ, નાથ અનંતને આદરે જી II
દેવચંદ્ર હો પ્રભુ, દેવચંદ્રને આણંદ, પરમ હો પ્રભુ, પરમ મહોદય તે વરે જી || ૭ ||
ગાથાર્થ :- આ ચૌદમા અનંતનાથ પ્રભુ, અનંત અનંત ગુણોના વૃન્દ છે. અનંતગુણોના સમૂહમય છે. આવા પ્રકારના અનંત ગુણોના નાથને (એટલે કે અનંતનાથને) જે આત્મા હૈયાના ભાવપૂર્વક આદરે છે. તે આત્મા દેવોમાં ચંદ્રમા સમાન ચોસઠ ઇન્દ્રોને આનંદ ઉપજે
