________________
શ્રી દેવચંદ્રજી કૃત ચોવીશી ભાગ : ૨
બીરાજમાન છે અને સમવસરણમાં બેઠેલા એવા આ પરમાત્મા ચારે દિશામાં ચાર મુખ કરીને દાન શીયળ તપ અને ભાવ એમ ચાર પ્રકારનો ધર્મ પ્રકાશિત કરી રહ્યા છે.
૪૪
આવા ધર્મદેશના કરતા એવા શ્રી શાન્તિનાથ પરમાત્માને આજે મેં મારા નેત્રથી (ચર્મચક્ષુથી) સાક્ષાત જોયા. દર્શન કર્યાં છે. તથા આગમ શ્રવણ કરવારૂપ નેત્રથી પણ જોયા છે આ પરમાત્માને મેં બરાબર નીહાળ્યા છે. સંપૂર્ણ વીતરાગદશાવાળા અને અતિશય દર્શનીય પૂજનીય અને પૂર્ણપણે નિર્દોષ અવસ્થાવાળા છે.
તે માટે હે ભવ્યજીવો । સામાન્ય કેવલજ્ઞાની ભગવંતોમાં ઇન્દ્રસમાન એવા સોળમા જિનેન્દ્ર શ્રી શાન્તિનાથ પ્રભુને જોઈ જોઈને અતિશય હર્ષવાળા બનો. આ પરમાત્મા કેવા છે ? ઉપશ૨૨સ એટલે કે ૫૨મ એવો ક્ષમા નામનો જે ગુણ છે. તે ગુણ રૂપી રસના કંદ સમાન છે. ક્ષમાગુણના મૂળ સમાન છે.
આ પરમાત્માની તુલ્ય બીજો કોઈ વ્યક્તિ નથી. આ પરમાત્મા પરમશાન્તિરસમય સમતાભાવના સમુદ્રસમાન છે. આવા અનંતગુણના ભંડાર શ્રી શાન્તિનાથ પરમાત્માને તમે પૂજો, તમે પૂજો, અનંત ઉપકાર કરનારાને તમે અવશ્ય પૂજો. ॥ ૧ ॥
પ્રાતિહાર્યે અતિશય શોભા, વહાલા મારા, તે તો કહીઅ ન જાવે રે । ધૂકબાલકથી રવિકરભરનું, વર્ણન કેણી પરે થાવે રે ભવિકજન || ૨ ||
ગાથાર્થ ઃ- આ પરમાત્માની આઠ પ્રાતિહાર્યની તથા ચોત્રીસ અતિશયોની શોભા એટલી બધી અપાર છે કે જે મારા જેવા મોહાન્ય જીવ વડે કહી શકાતી નથી. જેમ ઘુવડના બચ્ચાથી સૂર્યના કિરણોના સમૂહનું વર્ણન કેવી રીતે થાય ? અર્થાત્ ન થાય. તેમ આ વર્ણન પણ તેવું જ છે. ॥ ૨ ॥
