________________
૬ ૨.
શ્રી દેવચંદ્રજી કૃત ચોવીશી ભાગ ૨ તથા પરમાત્મા જ્યારે જયારે ધર્મદેશના આપે છે, ત્યારે ત્યારે કેટલાક ધર્મોની ગૌણતા અને કેટલાક ધર્મોની મુખ્યતા કરીને ધર્મદશના આપે છે જે ક્ષેત્રમાં જેવા જીવો હોય તેઓનું જે રીતે કલ્યાણ થાય અને જેવું કેવલજ્ઞાનથી દેખાય તે રીતે અમુક ધર્મોની ગૌણતા કરવા પૂર્વક અને અમૂકધર્મોની પ્રધાનતા કરવા પૂર્વક ધમદશના આપે છે.
શ્રોતાને આશ્રયી ગૌણ-મુખ્યતા કરવા છતાં પણ કેવલી ભગવાનને કેવળજ્ઞાનથી તો સર્વધર્મ એકસરખા સમાનપણે જ દેખાય છે તેમના જાણવા-જોવામાં ગૌણ-મુખ્યતા હોતી નથી. જ્ઞાન તો સર્વધર્મોને જાણવાની સમૃદ્ધિવાળું જ સદા કાળ સૂર્યની જેમ હોય છે.
પરમાત્માનું કેવળજ્ઞાન સર્વધર્મોને સમાનપણે જ દેખે છે. પરંતુ બોલવામાં જ્યાં જે ઉપકારક હોય ત્યાં તેનો જ પ્રકાશ આપે છે બીજા ભાવોને ગૌણ કરે છે આવા પ્રકારના જ્ઞાનવાળા અને જ્ઞાનના ઉપયોગવાળા શ્રી કુંથુનાથ ભગવાન છે. || ૪ |
વસ્તુ અનંત સ્વભાવ છે રે, અનંત કથક તસુ નામાં ગ્રાહક અવસર બોધથી રે, કહે તે અર્પિત કામો રે II કુંથુજિનેસરૂ II નિર્મળ તુજ મુખ વાણી રે II ૫ II
ગાથાર્થ - સર્વે પણ વસ્તુઓ અનંતસ્વભાવવાળી છે તેથી તે તે વસ્તુઓનું નામ માત્ર લેવાથી અનંતા અનંત ધર્મનું કથન થઈ જ જાય છે. છતાં કેવલી પરમાત્મા ગ્રાહક એવા શ્રોતાના અવસરનું ધ્યાન રાખીને તેને વધારેને વધારે બોધ થાય કલ્યાણ થાય તેવા ભાવોની પ્રધાનતા કરીને ધર્મોપદેશ આપે છેઆ જ તેઓનું કામ છે. તેને અર્પિત નય કહેવાય છે . પ .
