________________
૨૨
શ્રી દેવચંદ્રજી કૃત ચોવીશી ભાગ : ૨
એવો (અનંતગુણોના ભંડાર ભૂત એવો) પરમ મહોદય આ જીવ પ્રાપ્ત કરે છે અર્થાત વરે છે. || ૭ ||
વિવેચન ઃ- અનંતજ્ઞાન (કેવળજ્ઞાન), અનંતદર્શન (કેવળદર્શન), અવ્યાબાધસુખ, અનંતચારિત્ર, અક્ષયસ્થિતિ, અરૂપિપણુ, અગુરૂલઘુ, તથા અનંતવીર્ય ઈત્યાદિ અનંત અનંત ગુણોના વૃન્દ એટલે ભંડાર, અર્થાત અનંત અનંત ગુણોના ભંડાર એવા ચૌદમા શ્રી અનંતનાથ પરમાત્મા કે જેઓ નામથી પણ અનંતનાથ છે અને ગુણોથી પણ અનંત ગુણોના નાથ છે. એવા ચૌદમા શ્રી અનંતનાથ પરમાત્માને જે સાધક આત્મા હૈયાના ઉમદાભાવપૂર્વક એટલેકે હૈયાના બહુમાનનાભાવ પૂર્વક જે આરાધે છે આ રીતે તેઓને જે આત્મા આદરે છે સ્વીકારે છે તે સાધક આત્મા પરમ મહોદય' ને જલ્દી જલ્દી પ્રાપ્ત કરે છે.
પરમ મહોદય એટલે કે પોતાના આત્માની અનંતગુણોની લક્ષ્મીને પ્રગટ કરનારો તે આત્મા બને છે. સંસારની ચાર ગતિમાં વધારે સુખનું સ્થાન દેવ કહેવાય, કારણ કે તે દેવો અવધિજ્ઞાન અને વૈક્રિયલબ્ધિવાળા છે. માટે સંસારમાં તે સુખનું સ્થાન કહેવાય. તેમાં સૌના નાયક એવા જે ચોસઠ ઇન્દ્રો છે. તે વધારે સુખનું સ્થાન કહેવાય. તેવા પ્રકારના અતિશય સંસારના સુખે સુખી એવા ચોસઠે ઇન્દ્રોને પણ (પોતે મોક્ષનું અને પરમમહોદયનું સુખ ન પામ્યા હોવાથી) અતિશય આનંદ થાય એવું જે પરમમહોદયનું સુખ છે (કેવલજ્ઞાનાદિ ગુણલક્ષ્મીનું જે સુખ છે) તે સુખને આવો જીવ વરે છે તેવો જીવ આવા સુખને પ્રાપ્ત કરે છે.
(ગર્ભિત રીતે રેવચન્દ્ર આ પદમાં કર્તાએ પોતાનું નામ પણ સૂચવ્યું છે.) | ૭ ||
ચૌદમા શ્રી અનંદનાથ પરમાત્માના સ્તવનના અર્થ સમાપ્ત થયા.
