Agam 15 Upang 04 Pragnapana Sutra Part 01

Author(s): Shyamacharya, Punyavijay, Dalsukh Malvania, Amrutlal Bhojak
Publisher: Mahavir Jain Vidyalay

Page 88

९७]
मणुसपण्णवणा ।
९३. से किं तं सम्मुच्छिममणुस्सा १ कहि णं भंते ! सम्मुच्छिममणुस्सा सम्मुच्छंति ? गोयमा ! अंतोमणुस्सखेत्ते पंणुतालीसाए जोयणसयसहस्सेसु अड्डाइजेस दीव-समुद्देसु पन्नरससु कम्मभूमीसु तीसाए अकम्मभूमीसु छप्पण्णाए अंतरदीवएसु गब्भवक्कंतियमणुस्साणं चेव उच्चारेसु वा १ पासवणेसु वा २ खेलेसु वा ३ सिंधाणेसु वा ४ वंतेसु वा ५ पित्तेसु वा ६ एसु वा ७ सोणिएसु वा ८ सुक्केसु वा ९ सुक्कपोग्गलपरिसाडेसु वा १० विगतजीवकलेवरेसु वा ११ थी- पुरिससंजोएसु वा १२ [गौमणिद्धमणेसु वा १३ ] णगरणिद्धमणेसु वा १४ सव्वेसु चेव असुइएसु ठाणेसु, एत्थ णं सम्मुच्छिममणुस्सा सम्मुच्छंति । अंगुलस्स असंखेज्जइभागमेत्तीए ओगाहणाए असण्णी मिच्छद्दिट्ठी सव्वाहिं पज्जतीहिं अपज्जत्तगा अंतोमुहुत्ताउया चेव कालं करेंति । से त्तं सम्मुच्छिममणुस्सा ।
९४. से किं तं गब्भवक्कंतियमणुस्सा ? गब्भवक्कंतियमणुस्सा तिविहा पण्णत्ता । तं जहा - कम्मभूमगा १ अकम्मभूमगा २ अंतरदीवगा ३ ।
९५. से किं तं अंतरदीवया ? अंतरदीवया अट्ठावीसतिविहा पण्णत्ता । तं जहा - एगोरुया १ आभासिया २ वेसाणिया ३ गंगोली ४ हयकण्णा ५ गयकण्णा ६ गोकण्णा ७ सक्कुलिकण्णा ८ आयंसमुहा ९ मेंढमुहा १० अयोमुहा १५ ११ गोमुहा १२ आसमुहा १३ हत्थिमुहा १४ सीहमुहा १५ वग्धमुहा १६ आसकण्णा १७ सीहकण्णा १८ अकण्णा १९ कण्णपाउरणा २० उक्कामुहा २१ मेहमुहा २२ विज्जुमुहा २३ विज्जुदंता २४ घणदंता २५ लट्ठदंता २६ गूढता २७ सुद्धता २८ । से त्तं अंतरदीवगा ।
३५
९६. से किं तं अकम्मभूमगा ? अकम्मभूमगा तीसतिविहा पन्नत्ता । तं २० जहा - पंचहिं हेमवएहिं पंचहिं हिरण्णवएहिं पंचहिं हरिवासेहिं पंचहिं रम्मगवासेहिं पंचहिं देवर्कुरूहिं पंचाहिँ उत्तरकुरूहिं । से तं अकम्मभूमगा ।
१. पणता पु२ म०प्र० मु० ॥ २. पासवणेसु वा इति जे० ध० नास्ति ॥ ३. सिंघाणएसु म० प्र० पु२ मु० ॥ ४. पूएसु वा इति जे० ध० मलयगिरिनन्दीटीकायामुद्धरणे च नास्ति ॥ ५. गामणिमणेसु वा इति पाठो मलयगिरिनन्दीटीकोद्धरणे वर्तते ॥ ६ कुराहिं ध० म० ॥ 19. हिं २ ॥
20
९७. [१] से किं तं कम्मभूमया ? कम्मभूमया पण्णरसविहा पण्णत्ता । तं जहा - पंचहिं भरहेहिं पंचहिं एरवतेहिं पंचहिं महाविदेहेहिं ।
[२] ते समासतो दुविहा पण्णत्ता । तं जहा - आरिया य मिलक्खू य । २५