Agam 15 Upang 04 Pragnapana Sutra Part 01

Author(s): Shyamacharya, Punyavijay, Dalsukh Malvania, Amrutlal Bhojak
Publisher: Mahavir Jain Vidyalay

Page 468

३३. तेत्तीस मं ओहिपयं
[ सुतं १९८१. तेत्तीसइमपयस्स अत्याहिगारपरूवणं ] १९८१. भेद १ विसय २ संठाणे ३ अब्भितर बाहिरे ४ य देसोही ५ | ओहिस्स य खय-वड्डी ६ पडिवाई चेवंऽपडिवाई ७ ॥ २२२ ॥
[मुतं १९८२ १ ओहिभेयदारं ]
जहा
१९८२. कतिविहा णं भंते ! ओही पण्णत्ता ? गोयमा ! दुविहा ओही पण्णत्ता । तं जहा–भवपच्चइया य खओवसमिया य । दोहं भवपच्चइया, तं देवाय रइयाण य । दोहं खओवसमिया, तं जहा - मणूसाणं पंचेंदियतिरिक्खजोणियाण य ।
[ सुलाई १९८३ - २००७ २ ओहिविसयदारं ]
१९८३. रइया णं भंते! केवतियं खेत्तं ओहिणा जाणंति पासंति ? गोयमा ! जहणणेणं अद्धगाउयं, उक्कोसेणं चत्तारि गाउयाई ओहिणा जाणंति पासंति ।
१९८४. रयणप्पभापुढविणेरइया णं भंते! केवतियं खेत्तं ओहिणा जाणंति पासंति ? गोयमा ! जहण्णेणं अद्भुट्ठाई गाउआई, उक्कोसेणं चत्तारि गाउआई १५ ओहिणा जाणंति पासंति ।
१९८५. सक्करप्पभापुढविणेरड्या जहण्णेणं तिण्णि गाउआई, उक्कोसेणं अट्ठाई गाउआई ओहिणा जाणंति पासंति ।
१९८६. वालुयप्पभापुढविणेरड्या जहणणेणं अड्डाइज्जाई गाउयाई, उक्कोसेणं तिण्णि गाउआई ओहिणा जाणंति पासंति ।
१९८७. पंकप्पभापुढविणेरइया जहण्णेणं दोण्णि गाउयाई, उक्कोसेणं अड्डाइज्जाई गाउआई ओहिणा जाणंति पासंति ।
१९८८. धूमप्पभापुढविणेरइयाणं पुच्छा । गोयमा ! जहण्णेणं दिवडुं गाउअं, उक्कोसेणं दो गाउआई ओहिणा जाणंति पासंति ।
१ व अपड° ६० म० विना ॥
१०
२०