Agam 15 Upang 04 Pragnapana Sutra Part 01

Author(s): Shyamacharya, Punyavijay, Dalsukh Malvania, Amrutlal Bhojak
Publisher: Mahavir Jain Vidyalay

Page 477

३५. पंचतीसइमं वेयणापयं [सुत्ताई २०५४. पणतीसइमपयस्स अत्थाहिगारपरूवणं] २०५४. सीतां १ ये दव्ब २ सारीर ३ सात ४ तह वेदणा
हवति दुक्खा ५। अब्भुवगंमोवक्कमिया ६ णिदाय अणिदा य ७णायव्वा ॥२२५॥ सातमसातं सव्वे सुहं च दुक्खं अदुक्खमसुहं च ।
माणसरहियं विगलिंदिया उ सेसा दुविहमेव ॥२२६॥ [सुत्ताई २०५५-५९. चउवीसदंडएम १ सीताइवेदणादारं]
२०५५. कतिविहा णं भंते ! वेदणा पण्णता ? गोयमा ! तिविहा वेदणा १० पण्णत्ता। तं जहा-सीता १ उसिणा २ सीतोसिणा ३।
२०५६. णेरड्या णं भंते ! किं सीतं वेदणं वेदेति उसिणं वेदणं वेदेति सीतोसिणं वेदणं वेदेति ? गोयमा ! सीयं पि वेदणं वेदेति उसिणं पि वेदणं - वेदेति, णो सीतोसिणं वेदणं वेदेति ।
२०५७. [१] केई एक्कक्कीए पुढवीए वेदणाओ भणंति
[२] रयणप्पभापुढविणेरइया णं भंते ! ० पुच्छा। गोयमा ! णो सीयं वेदणं वेदेति, उसिणं वेदणं वेदेति, णो सीतोसिणं वेदणं वेदेति। एवं जाव वालुयप्पभापुढविणेरइया।
[३] पंकप्पभापुढविणेरइयाणं पुच्छा । गोयमा ! सीयं पि वेदणं वेदेति, उसिणं पि वेदणं वेदेति, णो सीओसिणं वेदणं वेदेति । ते बहुयतरागा जे उसिणं २० वेदणं वेदेति, ते थोवतरागा जे सीयं वेदणं वेदेति ।
[४] धूमप्पभाए एवं चेव दुविहा । नवरं ते बहुयतरागा जे सीयं वेदणं वेदेति, ते थोवतरागा जे उसिणं वेयणं वेदेति ।
[५] तमाए तमतमाए य सीयं वेदणं वेदेति, णो उसिणं वेदणं वेदेति, ___णो सीओसिणं वेदणं वेदेति।
२०५८. असुरकुमाराणं पुच्छा। गोयमा! सीयं पि वेदणं वेदेति, उसिणं पि वेदणं वेदेति, सीतोसिणं पि वेदणं वेदेति ।
२०५९. एवं जाव वेमाणिया।
१.सीता १दव्व २सरीरा३ साता ४ तह पु१पुर पु३॥ २.दजे.ध०॥ ३. गमविक जे.ध०॥