Agam 15 Upang 04 Pragnapana Sutra Part 01

Author(s): Shyamacharya, Punyavijay, Dalsukh Malvania, Amrutlal Bhojak
Publisher: Mahavir Jain Vidyalay

Page 487

४३४
पण्णवणासुत्ते छत्तीसइमे समुग्घायपए [सु. २१२४[४] एवं एते चउव्वीसं चउव्वीसा दंडगा।
२१२४. [१] णेरइयाणं भंते ! णेरइयत्ते केवतिया केवलिसमुग्घाया अतीया ? गोयमा ! णत्थि । केवतिया पुरेक्खडा ? गोयमा ! णत्थि।।
[२] एवं जाव वेमाणियत्ते । णवरं मणूसत्ते अतीता णत्थि, पुरेक्खडा असंखेजा। - [३] एवं जाव वेमाणिया । णवरं वणप्फइकाइयाणं मणूसत्ते अतीया णत्थि, पुरेक्खडा अणंता । मणूसाणं मणूसत्ते अतीया सिय अस्थि सिय णस्थि । जदि अत्थि जहण्णेणं एक्को वा दो वा तिण्णि वा, उक्कोसेणं सतपुहत्तं । केवतिया पुरेक्खडा ? गोयमा ! सिय संखेजा सिय असंखेजा।
[४] एवं एते चउव्वीसं चउव्वीसा दंडगा सव्वे पुच्छाए भाणियव्वा जाव वेमाणियाणं वेमाणियत्ते। [सुत्ताई २१२५-३२. समुग्घायसमोहयासमोहयाणं जीवाईणमप्पाबहुयं]
२१२५. एतेसि.णं भंते! जीवाणं वेयणासमुग्घाएणं कसायसमुन्घाएणं मारणंतियसमुग्घाएणं वेउव्वियसमुग्घाएणं तेयगसमुग्धाएणं आहारगसमुग्धाएणं १५ केवलिसमुग्घाएणं समोहयाणं असमोहयाण य कतरे कतरेहितो अप्पा वा बहुया
वा तुल्ला वा विसेसाहिया वा? गोयमा! सव्वत्थोवा जीवा आहारगसमुग्धाएणं समोहया, केवलिसमुग्घाएणं समोहया संखेज्जगुणा, तेयगसमुग्घाएणं समोहया असंखेजगुणा, वेउव्वियसमुग्घाएणं समोहया असंखेजगुणा, मारणंतियसमुग्धाएणं
समोहया अणंतगुणा, कसायसमुग्घाएणं समोहया असंखेजगुणा, वेदणासमुग्घाएणं २० समोहया विसेसाहिया, असमोहया असंखेजगुणा।
२१२६. एतेसि णं भंते ! णेरइयाणं वेदणासमुग्धाएणं कसायसमुग्धाएणं मारणंतियसमुग्घाएणं वेउव्वियसमुग्घाएणं समोहयाणं असमोहयाण य कतरे कतरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा णेरइया
मारणतियसमुग्धाएणं समोहया, वेउब्वियसमुग्घाएणं समोहया असंखेजगुणा, २५ कसायसमुग्घाएणं समोहया संखेजगुणा, वेदणासमुग्धाएणं समोहया संखेज्जगुणा, असमोहया संखेजगुणा।
२१२७. [१] एतेसि णं भंते ! असुरकुमाराणं वेदणासमुग्घाएणं कसायसमुग्घाएणं मारणंतियसमुग्धाएणं वेउव्वियसमुग्घाएणं तेयगसमुग्धाएणं समोहयाणं असमोहयाण य कतरे कतरेहिंतो अप्पा वा बहुया वा तुल्ला वा विसेसाहिया