Agam 15 Upang 04 Pragnapana Sutra Part 01

Author(s): Shyamacharya, Punyavijay, Dalsukh Malvania, Amrutlal Bhojak
Publisher: Mahavir Jain Vidyalay

Page 491

४३८
पण्णवणामुत्ते छत्तीसइमे समुग्घायपए [सु. २१४३अकसायसमुग्घाएणं समोहया, माणसमुग्घाएणं समोहया अणंतगुणा, कोहसमुग्घाएणं समोहया विसेसाहिया, मायासमुग्घाएणं समोहया विसेसाहिया, लोभसमुग्घाएणं समोहया विसेसाहिया, असमोहया संखेजगुणा ।
२१४३. एतेसि णं भंते ! णेरइयाणं कोहसमुग्घाएणं माणसमुग्घाएणं ५ मायासमुग्घाएणं लोभसमुग्धाएणं समोहयाणं असमोहयाण य कतरे कतरेहिंतो
अप्पा वा ४ ? गोयमा ! सव्वत्थोवा णेरइया लोभसमुग्घाएणं समोहया, मायासमुग्घाएणं समोहया संखेज्जगुणा, माणसमुग्घाएणं समोहया संखेजगुणा, कोहसमुग्घाएणं समोहया संखेजगुणा, असमोहया संखेज्जगुणा।
२१४४. [१] असुरकुमाराणं पुच्छा। गोयमा! सव्वत्थोवा असुरकुमारा १० कोहसमुग्धाएणं समोहया, माणसमुग्धाएणं समोहया संखेजगुणा, मायासमुग्घाएणं समोहयों संखेजगुणा, लोभसमुग्घाएणं समोहया संखेजगुणा, असमोहया संखेजगुणा।
[२] एवं सव्वदेवा जाव वेमाणिया।
२१४५. [१] पुढविक्काइयाणं पुच्छा। गोयमा ! सव्वत्थोवा पुढविक्काइया माणसमुग्घाएणं समोहया, कोहसमुग्घाएणं समोहया विसेसाहिया, मायासमुग्घाएणं १५ समोहया विसेसाहिया, लोभसमुग्घाएणं समोहया विसेसाहिया, असमोहया संखेजगुणा।
[२] एवं जाव पंचेंदियतिरिक्खजोणिया।
२१४६. मणुस्सा जहा जीवा (सु. २१४२)। णवरं माणसमुग्घाएणं समोहया असंखेजगुणा। २० [सुत्ताई २१४७-५२. चउवीसदंडएसु छाउमत्थियसमुग्घायपरूवणं]
२१४७. कति णं भंते ! छाउमत्थिया समुग्घाया पण्णत्ता ? गोयमा ! छाउमत्थिया छ समुग्धाया पण्णत्ता। तं जहा-वेदणासमुग्घाए १ कसायसमुग्घाए २ मारणंतियसमुग्घाए ३ वेउव्वियसमुग्घाए ४ तेयगसमुग्घाए ५ आहारगसमुग्घाए ६।
२१४८. णेरइयाणं भंते! कति छाउमत्थिया समुग्घाया पण्णता ? गोयमा! चत्तारि छाउमत्थिया समुग्घाया पण्णत्ता । तं जहा-वेदणासमुग्घाए १ कसायसमुग्घाए २ मारणंतियसमुग्घाए ३ वेउब्वियसमुग्घाए ४ ।
१. °या असंखेज जे० ध० ॥ २. °या असंखेज जे० ध० ॥