Agam 15 Upang 04 Pragnapana Sutra Part 01

Author(s): Shyamacharya, Punyavijay, Dalsukh Malvania, Amrutlal Bhojak
Publisher: Mahavir Jain Vidyalay

Page 499

४४६
पण्णवणासुत्ते छत्तीसइमं समुग्धायपयं। [सु. २१७६
[सुत्तं २१७६. सिद्धसरूवपरूवणं] २१७६. ते णं तत्थ सिद्धा भवंति, असरीरा जीवघणा दंसण-णाणोवउत्ता णिट्ठियट्ठा णीरया णिरेयणा वितिमिरा विसुद्धा सासयमणागतद्धं कालं चिट्ठति । से
केणद्वेणं भंते! एवं वुञ्चति ते णं तत्थ सिद्धा भवंति असरीरा जीवघणा दंसण-णाणो५ वउत्ता णिट्ठियट्ठा णीरया णिरेयणा वितिमिरा विसुद्धा सासतमणागयद्धं कालं चिट्ठति ?
गोयमा! से जहाणामए बीयाणं अग्गिदड्राणं पुणरवि अंकुरुप्पत्ती न हवइ एवमेव सिद्धाण वि कम्मबीएसु दडेसु पुणरवि जम्मुप्पत्ती न हवति, सेतेण?णं गोयमा ! एवं वुच्चति ते णं तत्थ सिद्धा भवति असरीरा जीवघणा दंसण-णाणोवउत्ता निट्ठियट्ठा णीरया णिरेयणा वितिमिरा विसुद्धा सासयमणागयद्धं कालं चिट्ठति ति ।
णिच्छिण्णसव्वदुक्खा जाति-जरा-मरण-बंधणविमुक्का। सासयमव्वाबाहं चिट्ठति सुही सुहं पत्ता ॥ २३१॥ ॥ पण्णवणाए भगवतीए छत्तीसइमं समुग्घायपदं समत्तं ॥
॥पण्णवणा समत्ता॥
अनुष्टुप्छंदसा ग्रन्थाग्रम् ७८८७ ॥ छ । मङ्गलं महाश्रीः ॥ छ ।
सं० १३८९ वर्षे ॥
१५ .