SearchBrowseAboutContactDonate
Page Preview
Page 491
Loading...
Download File
Download File
Page Text
________________ ४३८ पण्णवणामुत्ते छत्तीसइमे समुग्घायपए [सु. २१४३अकसायसमुग्घाएणं समोहया, माणसमुग्घाएणं समोहया अणंतगुणा, कोहसमुग्घाएणं समोहया विसेसाहिया, मायासमुग्घाएणं समोहया विसेसाहिया, लोभसमुग्घाएणं समोहया विसेसाहिया, असमोहया संखेजगुणा । २१४३. एतेसि णं भंते ! णेरइयाणं कोहसमुग्घाएणं माणसमुग्घाएणं ५ मायासमुग्घाएणं लोभसमुग्धाएणं समोहयाणं असमोहयाण य कतरे कतरेहिंतो अप्पा वा ४ ? गोयमा ! सव्वत्थोवा णेरइया लोभसमुग्घाएणं समोहया, मायासमुग्घाएणं समोहया संखेज्जगुणा, माणसमुग्घाएणं समोहया संखेजगुणा, कोहसमुग्घाएणं समोहया संखेजगुणा, असमोहया संखेज्जगुणा। २१४४. [१] असुरकुमाराणं पुच्छा। गोयमा! सव्वत्थोवा असुरकुमारा १० कोहसमुग्धाएणं समोहया, माणसमुग्धाएणं समोहया संखेजगुणा, मायासमुग्घाएणं समोहयों संखेजगुणा, लोभसमुग्घाएणं समोहया संखेजगुणा, असमोहया संखेजगुणा। [२] एवं सव्वदेवा जाव वेमाणिया। २१४५. [१] पुढविक्काइयाणं पुच्छा। गोयमा ! सव्वत्थोवा पुढविक्काइया माणसमुग्घाएणं समोहया, कोहसमुग्घाएणं समोहया विसेसाहिया, मायासमुग्घाएणं १५ समोहया विसेसाहिया, लोभसमुग्घाएणं समोहया विसेसाहिया, असमोहया संखेजगुणा। [२] एवं जाव पंचेंदियतिरिक्खजोणिया। २१४६. मणुस्सा जहा जीवा (सु. २१४२)। णवरं माणसमुग्घाएणं समोहया असंखेजगुणा। २० [सुत्ताई २१४७-५२. चउवीसदंडएसु छाउमत्थियसमुग्घायपरूवणं] २१४७. कति णं भंते ! छाउमत्थिया समुग्घाया पण्णत्ता ? गोयमा ! छाउमत्थिया छ समुग्धाया पण्णत्ता। तं जहा-वेदणासमुग्घाए १ कसायसमुग्घाए २ मारणंतियसमुग्घाए ३ वेउव्वियसमुग्घाए ४ तेयगसमुग्घाए ५ आहारगसमुग्घाए ६। २१४८. णेरइयाणं भंते! कति छाउमत्थिया समुग्घाया पण्णता ? गोयमा! चत्तारि छाउमत्थिया समुग्घाया पण्णत्ता । तं जहा-वेदणासमुग्घाए १ कसायसमुग्घाए २ मारणंतियसमुग्घाए ३ वेउब्वियसमुग्घाए ४ । १. °या असंखेज जे० ध० ॥ २. °या असंखेज जे० ध० ॥ Jain Education International For Private & Personal Use Only www.jainelibrary.org
SR No.001063
Book TitleAgam 15 Upang 04 Pragnapana Sutra Part 01
Original Sutra AuthorShyamacharya
AuthorPunyavijay, Dalsukh Malvania, Amrutlal Bhojak
PublisherMahavir Jain Vidyalay
Publication Year1969
Total Pages506
LanguagePrakrit
ClassificationBook_Devnagari, Agam, Canon, Metaphysics, & agam_pragyapana
File Size9 MB
Copyright © Jain Education International. All rights reserved. | Privacy Policy