Agam 15 Upang 04 Pragnapana Sutra Part 01

Author(s): Shyamacharya, Punyavijay, Dalsukh Malvania, Amrutlal Bhojak
Publisher: Mahavir Jain Vidyalay

Page 474

४२१
२०५२]
३-६ पोग्गलजाणणाइदारचउक। [सुत्ताई २०४९-५०. चउवीसदंडएसु ५ सम्मत्ताभिगमदारं]
२०४९. णेरइया णं भंते ! किं सम्मत्ताभिगमी मिच्छत्ताभिगमी सम्मामिच्छत्ताभिगमी ? गोयमा ! सम्मत्ताभिगमी वि मिच्छत्ताभिगमी वि सम्मामिच्छत्ताभिगमी वि।
२०५० एवं जाव वेमाणिया। णवरं एगिदिय-विगलिंदिया णो सम्मत्ता- ५ भिगमी, मिच्छत्ताभिगमी, णो सम्मामिच्छंत्ताभिगमी ।
[सुत्ताई २०५१-५३. ६ परियारणादारं] २०५१. देवा णं भंते ! किं सदेवीया सपरियारा सदेवीया अपरियारा अदेवीया सपरियारा अदेवीया अपरियारा ? गोयमा ! अत्थेगइया देवा सदेवीया सपरियारा १ अत्थेगइया देवा अदेवीया सपरियारा २ अत्यंगइया देवा अदेवीया १० अपरियारा ३ णो चेव णं देवा सदेवीया अपरियारा। से केण?णं भंते ! एवं वुच्चति अत्थेगइया देवा सदेवीया सपरियारा तं चेव जाव णो चेव णं देवा सदेवीया अपरियारा ? गोयमा ! भवणवति-वाणमंतर-जोतिस-सोहम्मीसाणेसु कप्पेसु देवा सदेवीया सपरियारा, सणंकुमार-माहिंद-बंभलोग-लंतग-महासुक्क-सहस्सारआणय-पाणय-आरण-अचुएसु कप्पेसु देवा अदेवीया सपरियारा, गेवेजऽणुत्त- १५ रोववाइयदेवा अदेवीया अपरियारा, णो चेव णं देवा सदेवीया अपरियारा, सेतेणटेणं गोयमा ! एवं वुच्चति अत्थेगइया देवा सदेवीया सपरियारा तं चेव जाव णो चेव णं देवा सदेवीया अपरियारा।
२०५२. [१] कतिविहा णं भंते ! परियारणा पण्णत्ता ? गोयमा ! पंचविहा पण्णता। तं जहा-कायपरियारणा १ फासपरियारणा २ रूवपरियारणा ३ सद्दपरिया- २० रणा ४ मणपरियारणा ५। से केणट्टेणं भंते ! एवं वुच्चति पंचविहा परियारणा पण्णत्ता तं जहा कायपरियारणा जाव मणपरियारणा ? गोयमा ! भवणवति-वाणमंतर-जोइससोहम्मीसाणेसु कप्पेसु देवा कायपरियारगा, सणंकुमार-माहिंदेसु कप्पेसु देवा फासपरियारगा, बंभलोय-लंतगेसु कप्पेसु देवा रूवपरियारगा, महासुक्क-सहस्सारेसु देवा सद्दपरियारगा, आणय-पाणय-आरण-अच्चुएसु कप्पेसु देवा मणपरियारगा, गेवेज- २५ अणुत्तरोववाइया देवा अपरियारगा, सेतेणटेणं गोयमा ! तं चेव जाव मणपरियारणा।
१. अत आरभ्यास्मिन् सूत्रे यत्र यत्र परियारणापाठो वर्तते तत्र तत्र जे० ध० म० प्रतिषु परियारणया इति पाठ उपलभ्यते ।