Agam 15 Upang 04 Pragnapana Sutra Part 01

Author(s): Shyamacharya, Punyavijay, Dalsukh Malvania, Amrutlal Bhojak
Publisher: Mahavir Jain Vidyalay

Page 471

१०
.
पण्णवणासुत्ते तेत्तीसइमं ओहिपयं। [सु. २०१६ - २०१६. अणुत्तरोववाइयाणं पुच्छा । गोयमा ! जवणालियासंठिए ओही पण्णत्ते।
[सुत्ताई २०१७-२१. ४ ओहिअभितर-बाहिरदारं]
२०१७. णेरइया णं भंते ! ओहिस्स किं अंतो बाहिं ? गोयमा ! अंतो, ५ नो बाहिं।
२०१८. एवं जाव थणियकुमारा। २०१९. पंचेंदियतिरिक्खजोणियाणं पुच्छा । गोयमा ! णो अंतो, बाहिं। २०२०. मणूसाणं पुच्छा । गोयमा ! अंतो वि बाहिं पि। २०२१. वाणमंतर-जोइसिय-वेमाणियाणं जहा णेरइयाणं (सु. २०१७)।
[सुत्ताई २०२२-२६. ५ देसोहिदारं] २०२२. णेरइया णं भंते ! किं देसोही सव्वोही ? गोयमा ! देसोही, णो सव्वोही।
२०२३. एवं जाव थणियकुमाराणं । २०२४. पंचेंदियतिरिक्खजोणियाणं पुच्छा । गोयमा ! देसोही, णो सव्वोही। २०२५. मणूसाणं पुच्छा। गोयमा! देसोही वि सव्वोही वि। २०२६. वाणमंतर-जोतिसिय-वेमाणियाणं जहा णेरइयाणं (सु.२०२२)। [सुत्ताई २०२७-३१. ६-७ ओहिस्स खयवडिआइदाराई]
२०२७. णेरइयाणं भंते ! ओही किं आणुगामिए अणाणुगामिए वडूमाणए हायमाणए पडिवाई अपडिवाई अवट्ठिए अणवट्ठिए ? गोयमा ! २० आणुगामिए, नो अणाणुगामिए नो वड्रमाणए णो हायमाणए णो पडिवाई, अपडिवादी अवट्ठिए, णो अणवट्ठिए।
२०२८. एवं जाव थणियकुमाराणं ।
२०२९. पंचेंदियतिरिक्खजोणियाणं पुच्छा। गोयमा! आणुगामिए वि जाव अणवट्ठिए वि।
२०३०. एवं मणूसाण वि । २०३१. वाणमंतर-जोतिसिय-वेमाणियाणं जहा णेरइयाणं (सु. २०२७)।
॥ पण्णवणाए भगवतीए तेत्तीसइमं ओहिपयं समत्तं ॥
: