Agam 15 Upang 04 Pragnapana Sutra Part 01

Author(s): Shyamacharya, Punyavijay, Dalsukh Malvania, Amrutlal Bhojak
Publisher: Mahavir Jain Vidyalay

Page 444

२७. सत्तावीसइमं कम्मवेयवेयगपयं [सुत्ताई १७८७-९२. णाणावराणजाइवेदएसु जीवाईसु कम्मपयडिवेयपरूवणं]
१७८७. [१] कति णं भंते ! कम्मपगडीओ पण्णत्ताओ १ गोयमा ! अट्ठ। तं जहा–णाणावरणिजं जाव अंतराइयं ।
[२] एवं णेरइयाणं जाव वेमाणियाणं ।
१७८८. [१] जीवे णं भंते ! णाणावरणिज्जं कम्मं वेदेमाणे कति कम्मपगडीओ वेदेति ? गोयमा ! सत्तविहवेदए वा अट्ठविहवेदए वा।
[२] एवं मणूसे वि । अवसेसा एगत्तेण वि पुहत्तेण वि नियमा अट्ठविहकम्मपगडीओ वेदेति जाव वेमाणिया ।
१७८९. जीवा णं भंते ! णाणावरणिजं कम्मं वेदेमाणा कति कम्म- १० पगडीओ वेदेति ? गोयमा ! सव्वे वि ताव होजा अट्टविहवेदगा १ अहवा अट्ठविहवेदगा य सत्तविहवेदगे य २ अहवा अट्ठविहवेदगा य सत्तविहवेदगा य ३। एवं मणूसा वि।
१७९०. दरिसणावरणिजं अंतराइयं च एवं चेव भाणियव्यं ।
१७९१. वेदणिज-आउअ-णाम-गोयाइं वेदेमाणे कति कम्मपगडीओ १५ वेदेति ? गोयमा ! जहा बंधगवेयगस्स वेदणिजं (सु. १७७३-७४) तहा भाणियव्वं ।
१७९२. [१] जीवे णं भंते ! मोहणिजं कम्मं वेदेमाणे कति कम्मपगडीओ वेदेति ? गोयमा! णियमा अट्ठ कम्मपगडीओ वेदेति ।
[२] एवं णेरइए जाव वेमाणिए । [३] एवं पुहत्तेण वि।
॥ पण्णवणाए भगवतीए सत्तावीसतिमं कम्मवेदवेदयपयं समत्तं॥
१. हवेज म०॥ २. °यव्वाणि । १७९२. जी पुरसं० विना ॥