Agam 15 Upang 04 Pragnapana Sutra Part 01

Author(s): Shyamacharya, Punyavijay, Dalsukh Malvania, Amrutlal Bhojak
Publisher: Mahavir Jain Vidyalay

Page 453

४००
पण्णवणासुत्ते अट्ठावीसइमे आहारपए बीउद्देसे [सु. १८६२ - [सुत्ताई १८६२-६४. चउवीसदंडएमु ११ मणमक्खिदारं]
१८६२. णेरइया णं भंते ! किं ओयाहारा मणभक्खी ? गोयमा! ओयाहारा, णो मणभक्खी।
१८६३. एवं सब्वे ओरालियसरीरा वि।
१८६४. देवा सव्वे जाव वेमाणिया ओयाहारा वि मणभक्खी वि। तत्थ णं जे ते मणभक्खी देवा तेसि णं इच्छामणे समुप्पजइ 'इच्छामो णं मणभक्खणं करित्तए' तए णं तेहिं देवेहिं एवं मणसीकते समाणे खिप्पामेव जे पोग्गला इट्ठा कंता जाव मणामा ते तेसिं मणभक्खत्ताए परिणमंति, से जहाणामए
सीता पोग्गला सीयं पप्पा सीयं चेव अइवइत्ताणं चिट्ठति उसिणा वा पोग्गला उसिणं १० पंप्पा उसिणं चेव अतिवइत्ताणं चिटुंति एवामेव तेहिं देवेहिं मणभक्खणे कते समाणे गोयमा ! से इच्छामणे खिप्पामेव अवेति ।
॥ पण्णवणाए भगवतीए आहारपदे पढमो उद्देसओ समत्तो॥
बीओ उद्देसओ [सुत्तं १८६५. बीउद्देसस्स अत्थाहिगारपरूवणं] १८६५. आहार १ भविय २ सण्णी ३
लेस्सा ४ दिट्ठी य ५ संजय ६ कसाए ७। णाणे ८ जोगुवओगे ९-१०
वेदे य ११ सरीर १२ पज्जत्ती १३ ॥ २१९॥ [सुत्ताई १८६६-७०. जीवाईसु १ आहारदारं] १८६६. [१] जीवे णं भंते ! किं आहारए अणाहारए १ गोयमा ! सिय आहारए सिय अणाहारए।
[२] एवं नेरइए जाव असुरकुमारे जाव वेमाणिए ।
१८६७. सिद्धे णं भंते ! किं आहारए अणाहारए ? गोयमा ! णो २५ आहारए, अणाहारए।
१. °वा तेसि गं मणे स' इति मलयवृत्तिसम्मतः पाठः ॥ २-३. पप्प प्र० पु२ मु०॥