Book Title: Agam 15 Upang 04 Pragnapana Sutra Part 01
Author(s): Shyamacharya, Punyavijay, Dalsukh Malvania, Amrutlal Bhojak
Publisher: Mahavir Jain Vidyalay
View full book text
________________
पण्णवणासुत्ते तइए बहुवत्तन्वयपए [सु. २५०वा बहुया वा तुल्ला वा विसेसाहिया वा ? गोयमा ! सव्वत्थोवा बादरतेउकाइया पज्जत्तगा १, बादरतसकाइया पजत्तगा असंखेजगुणा २, पत्तेयसरीरबादरवणप्फइकाइया पज्जत्तगा असंखेजगुणा ३, बादरनिगोदा पज्जत्तया असंखेजगुणा ४, बादर
पुढविकाइया पजत्तया असंखेज्जगुणा ५, बादरआउकाइया पज्जत्तया असंखेजगुणा ५ ६, बादरवाउकाइया पज्जत्तया असंखेनगुणा ७, सुहुमतेउकाइया पज्जत्तया असंखे
जगुणा ८, सुहुमपुढविकाइया पज्जत्तया विसेसाहिया ९, सुहुमआउकाइया पजत्तया विसेसाहिया १०, सुहुमवाउकाइया पज्जत्तया विसेसाहिया ११, सुहुमनिगोदा पजत्तया असंखेजगुणा १२, बादरवणप्फइकाइया पज्जत्तया अणतगुणा १३, बादरा पज्जत्तया विसेसाहिया १४,सुहुमवणस्सइकाइया पन्जत्तगा असंखेज्जगुणा १५, सुहुमा पज्जत्तया विसेसाहिया १६ ।
२५०. [१] एएसि णं भंते! सुहमाणं बादराण य पजत्ताऽपजत्ताणं कतरे कतरेहितो अप्पा वा बहुया वा तुल्ला वा विसेसाहिया वा? गोयमा ! सव्वत्थोवा बादरा पज्जत्तगा १, बादरा अपज्जत्तगा असंखेजगुणा २, सुहुमा अपज्जत्तगा असंखेजगुणा ३, सुहुमा पजत्तगा संखेजगुणा ४ ।
[एएसि णं भंते ! सुहमपुढविकाइयाणं बादरपुढविकाइयाण य पज्जत्ताऽपज्जत्ताण य कतरे कतरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा बादरपुढविकाइया पज्जत्तगा १, बादरपुढविकाइया अपज्जत्तया असंखेजगुणा २, सुहुमपुढविकाइया अपजत्तया असंखेजगुणा ३, सुहुमपुढविकाइया पज्जत्तया संखेजगुणा ४ ।
[३] एएसि णं भंते! सुहुमआउकाइयाणं बादरआउकाइयाण य पज्जत्ताऽपजत्ताणं कतरे कतरेहिंतो अप्पा वा बहुया वा तुला वा विसेसाहिया वा ? गोयमा ! सव्वत्थोवा बादरआउकाइया पज्जत्तया १, बादरआउकाइया अपजत्तया असंखेज्जगुणा २, सुहुमआउकाइया अपज्जत्तया असंखेजगुणा ३, सुहुमआउकाइया पज्जत्तया संखेजगुणा ४।।
[४] एएसि णं भंते! सुहुमतेउकाइयाणं बादरतेउकाइयाण य पज्जत्ताऽपजत्ताणं कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा बादरतेउकाइया पज्जत्तगा १, बादरतेउकाइया अपज्जत्तगा असंखेज्जगुणा २, सुहुमतेउकाइया अपज्जत्तगा असंखेजगुणा ३, सुहुमतेउकाइया पज्जत्तगा संखेजगुणा ४।
Jain Education International
For Private & Personal Use Only
www.jainelibrary.org
