Agam 15 Upang 04 Pragnapana Sutra Part 01

Author(s): Shyamacharya, Punyavijay, Dalsukh Malvania, Amrutlal Bhojak
Publisher: Mahavir Jain Vidyalay

Page 438

२४, चउवीसइमं कम्मबंधपयं [सुत्ताई १७५४-६१. णाणावरणिजबंधएम जीवाईसु कम्मपयडिबंधपरूवणं]
१७५४. [१] कति णं भंते ! कम्मपगडीओ पण्णत्ताओ ? गोयमा ! अट्ठ कम्मपगडीओ पण्णताओ । तं जहा-णाणावरणिजं जाव अंतराइयं ।
[२] एवं णेरइयाणं जाव वेमाणियाणं ।
१७५५. जीवे णं भंते ! णाणावरणिज कम्मं बंधमाणे कति कम्मपगडीओ बंधति ? गोयमा ! सत्तविहबंधए वा अट्ठविहबंधए वा छविहबंधए वा।
१७५६. [१] णेरइए णं भंते ! णाणावरणिजं कम्मं बंधमाणे कति कम्मपगडीओ बंधति ? गोयमा ! सत्तविहबंधए वा अट्ठविहबंधए वा।
[२] एवं जाव वेमाणिए । णवरं मणूसे जहा जीवे (सु. १७५५)। १०
१७५७. जीवा णं भंते ! णाणावरणिकं कम्मं बंधमाणा कति कम्मपगडीओ बंधंति ? गोयमा ! सव्वे वि ताव होज्जा सत्तविहबंधगा य अट्ठविहबंधगा य १ अहवा सत्तविहबंधगा य अट्ठविहबंधगा य छविहबंधगे य २ अहवा सत्तविहबंधगा य अट्टविहबंधगा य छव्विहबंधगा य ३।।
१७५८. [१] णेरइया णं भंते ! णाणावरणिजं कम्मं बंधमाणा कति १५ कम्मपगडीओ बंधंति ? गोयमा ! सव्वे वि ताव होज्जा सत्तविहबंधगा १ अहवा सत्तविहबंधगा य अट्ठविहबंधगे य २ अहवा सत्तविहबंधगा य अट्ठविहबंधगा य, ३ तिण्णि भंगा।
[२] एवं जाव थणियकुमारा ।
१७५९. [१] पुढविक्काइयाणं पुच्छा। गोयमा ! सत्तविहबंधगा वि २० अट्ठविहबंधगा वि।
[२] एवं जाव वणस्सतिकाइया।
१७६०. वियलाणं पंचेंदियतिरिक्खजोणियाण य तियभंगो-सव्वे वि ताव होजा सत्तविहबंधगा १ अहवा सत्तविहबंधगा य अट्ठविहबंधए य २ अहवा सत्तविहबंधगा य अट्ठविहबंधगा य ३।
१७६१. मणूसा णं भंते ! णाणावरणिजस्स पुच्छा । गोयमा ! सव्वे वि ताव होजा सत्तविहबंधगा १ अहवा सत्तविहबंधगा य अट्ठविहबंधए य २ अहवा सत्तविहबंधगा य अट्ठविहबंधगा य ३ अहवा सत्तविहबंधगा य छव्विहबंधए य ४
२५
२५