Agam 15 Upang 04 Pragnapana Sutra Part 01

Author(s): Shyamacharya, Punyavijay, Dalsukh Malvania, Amrutlal Bhojak
Publisher: Mahavir Jain Vidyalay

Page 398

१५५१ ]
तेयगसरीरे विहि- संठाण- पमाणदाराई ।
[२] पंचेंदियतिरिक्खजोणियाणं मणूसाण य जहा एतेसिं चेव ओरालिय ति (सु. १५२४-२५) ।
[३] देवाणं भंते! तेयगसरीरे किंसंठिए पण्णत्ते ? गोयमा ! जहा वेउव्त्रियस्स (सु. १५२६) जाव अणुत्तरोववाइय त्ति ।
[सुत्ताई १५४५-५१. तेयगसरीरे पमाणदारं ]
१५४५. जीवस्स णं भंते! मारणंतियसमुग्धाएणं समोहयस्स तेयासरीरस्स केमहालिया सरीरोगाहणा पण्णत्ता ? गोयमा ! सरीरपमाणमेत्ता विक्खंभ - बाहलेणं; आयामेणं जहणणेणं अंगुलस्स असंखेज्जइभागो, उक्कोसेणं लोगंताओ लोगंतो ।
१५४६. एगिंदियस्स णं भंते ! मारणंतियसमुग्धारणं समोहयस्स तेयासरीरस्स केमहालिया सरीरोगाहणा पण्णत्ता ? गोयमा ! एवं चेव, जाव पुढवि - आउ- १० तेउ वाउ-वणप्फइकाइयस्स ।
१५४७. [१] बेइंदियस्स गं भंते! मारणंतियसमुग्धारणं समोहयस्स तेयासरीरस्स केमहालिया सरीरोगाहणा पण्णत्ता ? गोयमा ! सरीरपमाणमेत्ता विक्खंभ-बाहल्लेणं; आयामेणं जहणणेणं अंगुलस्स असंखेज्जइभागं, उक्कणं तिरियलोगाओ लोगंतो ।
३४५
[२] एवं जाव चउरिंदियस्स ।
१५४८. रइयस्स णं भंते! मारणंतियसमुग्धाएणं समोहयस्स तेयासरीरस्स के महालिया सरीरोगाहणा पण्णत्ता ? गोयमा ! सरीरपमाणमेत्ता विक्खंभबाहल्लेणं; आयामेणं जहणणेणं सातिरेगं जोयणसहस्सं, उक्कोसेणं अहे जाव अहेसत्तमा पुढवी, तिरियं जाव सयंभुरमणे समुद्दे, उड्डुं जाव पंडगवणे पुक्खरिणीओ । १५४९. पंचेंदियतिरिक्खजोणियस्स णं भंते! मारणंतियसमुग्धाएणं समोहयस्स तेयासरीरस्स केमहालिया सरीरोगाहणा पण्णत्ता ? गोयमा ! जहा बेइंदियसरीरस्स (सु. १५४७ [१])।
२०
१५
२५
१५५०. मणूसस्स णं भंते! मारणंतियसमुग्धाएणं समोहयस्स तेयासरीरस्स केमहालिया सरीरोगाहणा पण्णत्ता ? गोयमा ! समयखेत्ताओ लोगंतो । १५५१. [१] असुरकुमारस्स णं भंते! मारणंतियसमुग्धाएणं समोहयस्स तेयासरीरस्स केमहालिया सरीरोगाहणा पण्णत्ता ? गोयमा ! सरीरपमाणमेत्ता विक्खंभ-बाहल्लेणं; आयामेणं जहणणेणं अंगुलस्स असंखेज्जइभागं, उक्कोसेणं