Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 10

संजमे चेव उवसंतकसायवीयरागसंजमे दुविहे पण्णत्ते तं जहा- पढमसमयउवसंतकसायवीयरागसंजमे चेव अपढमसमय-उवसंतकसायवीयरागसंजमे चेव अहवा चरिमसमयउवसंतकसायवीयरागसंजमे चेव अचरिमसमयउवसंतकसायवीयरागसंजमे चेव,
खीणकसायवीयरागसंजे दुविहे पण्णत्ते तं जहा- छउमत्थखीणकसाय-वीयरागसंजमे चेव
केवलिखीणकसायवीयरागसंजमे चेव, ठाणं २, उद्देसो- १
छउमत्थखीणकसायवीयरागसंजमे दुविहे पण्णत्ते तं जहा- सयंबुद्धछउमत्थ खीणकसायवीतरागसंजमे चेव बुद्धबोहियछउमत्थ खीणकसायवीतरागसंजमे चेव, सयंबुद्धछउमत्थ खीणकसायवीयरागसंज दुविहे पण्णत्ते तं जहा- पढमसमयसयंबुद्धछउमत्थ खीणकसाय- वीतरागसंजमे चेव अपढमसमयसयंबुद्धछउमत्थ खीणकसायवीतरागसंजमे चेव, अहवा - चरिमसमयसयंबुद्ध छ - उमत्थखीण कसायवीतरागसंजे चेव अचरिमसमयसयंबुद्धछउमत्थ खीणकसायवीतरागसंजमे चेव |
बुद्धबोहिय छउमत्थ खीणकसायवीतरागसंजमे दुविहे पण्णत्ते तं जहा- पढमसमयबुद्धबोहि छउमत्थखीणकसाय-वीतरागसंजमे चेव अपढमसमयबुद्धबोहिय छउमत्थखीणकसायवीतरागसंजमे चेव, अहवा-चरिमसमयबुद्ध-बोहिय छउमत्थखीणकसायवीयरागसंजमे चेव अचरिमसमयबुद्धबोहियछउमत्थ खीणकसायवीयरागसंजमे चेव, केवलिखीणकसायवीयरागसंजमे दुविहे पण्णत्ते तं जहा- सजोगिकेवलि खीणकसायवीयरागसंजमे चेव अजोगिकेवलि खीणकसायवीयरागसंजमे चेव, सजोगिकेवलि खीणकसायवीयरागसंजमे दुविहे पण्णत्ते तं जहा- पढमसमयसजोगिकेवलिखीणकसायवीयरागसंजमे चेव अपढमसमयसजोगिकेवलिखीणकसायवीयराग-संजमे चेव अहवा चरिमसमयसजोगि०, अचरिमसमयसजोगि केवलिखीणकसाय-वीयरागसंजमे चेव, अजोगिकेवलिखीणकसायवीयरागसंजमे दुविहे पण्णत्ते तं जहा- पढमसमयअजोगि०, अपढमसमयअजोगि केवलिखीणकसायवीयरागसंजमे चेव, अहवा चरिमसमय-अजोगि०, अचरिमसमयअजोग केवलिखीणकसाय- वीयरागसंजमे चेव ।
[७३] दुविहा पुढविकाइया पण्णत्ता तं जहा- सुहुमा चेव बायरा चेव, एवं वणस्सइकाइया पण्णत्ता तं जहा- सुहुमा चेव बायरा चेव,
दुविहा पुढविकाइया पण्णत्ता तं जहा- पज्जत्तगा चेव अपज्जत्तगा चेव, एवं जाव वणस्सइ- काइया पण्णत्ता तं जहा- पज्जत्तगा चेव अपज्जत्तगा चेव ।
दुविहा पुढविकाइया पण्णत्ता तं जहा- परिणया चेव अपरिणया चेव एवं जाव
वणस्सइकाइया,
दुविहा दव्वा पण्णत्ता तं जहा- परिणया चेव अपरिणया चेव ।
दुविहा पुढविकाइया पण्णत्ता तं जहा गतिसमावण्णगा चेव अगतिसमावण्णगा चेव एवं
जाव वणस्सइकाइया,
दुविहा दव्वा पण्णत्ता तं जहा- गतिसमावण्णगा चेव अगतिसमावण्णगा चेव ।
दुविहा पुढविकाइया पण्णत्ता तं जहा- अणंतरोगाढा चेव परंपरोगाढा चेव जाव दुविहा दव्वा पण्णत्ता तं जहा- अणंतरोगाढा चेव परंपरोगाढा चेव ।
[७४] दुविहे काले पण्णत्ते तं जहा- ओसप्पिणीकाले चेव उस्सप्पिणीकाले चेव, दुविहे आगासे पण्णत्ते तं जहा- लोगागासे चेव अलोगागासे चेव ।
[मुनि दीपरत्नसागर संशोधितः ]
[9]
[३-ठाणं]