Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 8

अणवकंखवत्तिया किरिया दुविहा पण्णत्ता तं जहा- आयसरीरअणवकंखवत्तिया चेव परसरीरअणवकंखवत्तिया चेव ।।
दो किरियाओ पण्णत्ताओ तं जहा- पेज्जवत्तिया चेव दोसवत्तिया चेव, पेज्जवत्तिया किरिया ठाणं-२, उद्देसो-१
दुविहा पण्णत्ता तं जहा- मायावत्तिया चेव लोभवत्तिया चेव, दोसवत्तिया किरिया दुविहा पण्णत्ता तं जहा- कोहे चेव माणे चेव ।
__६१] दुविहा गरिहा पण्णत्ता तं जहा- मणसा वेगे गरहति वयसा वेगे गरहति, अहवा गरहा दुविहा पण्णत्ता तं जहा- दीहं वेगे अद्धं गरहति रहस्सं वेगे अद्धं गरहति ।
[६२] दुविहे पच्चक्खाणे प० तं० -मणसा वेगे पच्चक्खाति वयसा वेगे पच्चक्खाति, अहवा पच्चक्खाणे विहे प० तं०- दीहं वेगे अद्धं पच्चक्खाति रहस्सं वेगे अद्धं पच्चक्खाति ।
[६३] दोहिं ठाणेहिं संपन्ने अणगारे अणादीयं अणवयग्गं दीहमद्धं चाउरंतं संसारकंतारं वीतिवएज्जा तं जहा- विज्जाए चेव चरणेण चेव ।
[६४] दो ठाणाइं अपरियाणेत्ता आया नो केवलिपण्णत्तं धम्मं लभेज्ज सवणयाए, तं जहा-आरंभे चेव परिग्गहे चेव, दो ठाणाई अपरियाणेत्ता आया नो केवलं बोधिं बुज्झेज्जा तं जहा-आरंभे चेव परिग्गहे चेव, दो ठाणाई अपरियाणेत्ता आया नो केवलं मुंडे भवित्ता अगाराओ अणगारियं पव्वइज्जा तं जहा-आरंभे चेव परिग्गहे चेव, एवं नो केवलं बंभचेरवासमावसेज्जा, नो केवलं संजमेणं संजमेज्जा, नो केवलेणं संवरेणं संवरेज्जा, नो केवलं आभिणिबोहियनाणं उप्पाडेज्जा |
एवं सुयनाणं, ओहिनाणं, मनपज्जवनाणं, केवलनाणं|
[६५] दो ठाणाइं परियाणेत्ता आया केवलिपन्नत्तं धम्मं लभेज्ज सवणयाए तं जहा-आरंभे चेव परिग्गहे चेव जाव उप्पाडेज्जा तं जहा- आरंभे चेव परिग्गहे चेव ।
[६६] दोहं ठाणेहिं आया केवलिपण्णत्तं धम्मं लभेज्ज सवणयाए तं जहा सोच्च-च्चेव अभिसमेच्च-च्चेव जाव दोहिं ठाणेहिं आया केवलं केवलनाणं उप्पाडेज्जा तं जहा-सोच्चच्चेव अभिसमेच्चच्चेव ।
[६७] दो समाओ प० तं०- ओसप्पिणी समा चेव उस्सप्पिणी समा चेव ।
[६८] विहे उम्माए पण्णत्ते तं जहा- जक्खाएसे चेव मोहणिज्जस्स चेव कम्मस्स उदएणं तत्थ णं जे से जक्खाएसे से णं सुहवेयतराए चेव सहविमोयतराए चेव, तत्थ णं जे से मोहणिज्जस्स कम्मस्स उदएणं से णं दुहवेयतराए चेव दुहविमोयतराए चेव ।
[६९] दो दंडा पण्णत्ता तं जहा-अट्ठादंडे चेव अणट्ठादंडे चेव, नेरइयाणं दो दंडा पण्णत्ता तं जहा- अट्ठादंडे य अणट्ठादंडे य, एवं- चउवीसा दंडओ जाव वेमाणियाणं ।
[७०] दुविहे दंसणे पण्णत्ते तं जहा-सम्मइंसणे चेव मिच्छादसणे चेव ।
सम्मइंसणे दुविहे पण्णत्ते तं जहा-निसग्गसम्मइंसणे चेव अभिगमसम्मइंसणे चेव, निसग्गसम्मईसणे दुविह पण्णत्ते तं जहा-पडिवाइ चेव अपडिवाइ चेव, अभिगमसम्मइंसणे विहे पण्णत्ते तं जहा-पडिवाइ चेव अपडिवाइ चेव,
[मुनि दीपरत्नसागर संशोधित:]
। [7]
[३-ठाण]