________________
વિવિધ વિષય વિચારમાળા ભાગ-૮ માટીની કરાવી જે એક અંગુઠાથી માંડી સાતસો અંગુઠા સુધીના માપની જિનપ્રતિમાઓ કરાવે છે તે બીજા ભવને વિષે એકછત્ર સામ્રાજ્ય પ્રાપ્ત કરે છે, જેમ મેરૂપર્વતથી બીજો શ્રેષ્ઠ પર્વતનથી, કલ્પવૃક્ષથી બીજું ઉત્તમ વૃક્ષ નથી તેમ જિનપ્રતિમા કરાવવા જેવો બીજો અદ્ભુત ધર્મ નથી. શ્રી જિનેશ્વરની પ્રતિમા કરાવ્યા પછી ખરાબ ગતિઓથી કોણ ભય પામે? સિંહની પીઠ ઉપર બેસનારને શિયાળ શું કરી શકે ? જે મનુષ્યો ગુરુકથન મુજબ જિનબિંબ તૈયાર કરાવે છે તેના ઘરના આંગણામાં સ્વર્ગ, મૃત્યુ અને પાતાળ, એ ત્રણે લોકની સંપદાઓ દાસીઓ થઈને હાજર રહે છે.જે સૂરિમંત્રવડે શ્રી અહિંત પ્રભુની પ્રતિષ્ઠા કરાવે છે તે તીર્થંકરપણાને પ્રાપ્ત કરે છે, કેમકે જેવું બીજ વાવે તેવું ફળ મળે છે. જેટલા હજાર વર્ષ સુધી બીજા લોકો જે પ્રતિમાજીની પૂજા કરે છે તેટલા હજાર વર્ષ સુધી તે પ્રતિમાના કરાવનારને પૂજાના ફળનો હિસ્સો મળ્યા કરે છે, પ્રતિષ્ઠા કરેલાં પહેલવહેલા જિનબિંબોના દર્શન કરવાથી જે આલોક તથા પરલોક હિત કરનારા ફળ થાય છે તે ફળોની ગણત્રી ફક્ત કેવલી મહારાજ જાણે છે. સારું કે નઠારું કોઈપણ કામ કરનાર, કરાવનાર અને મદદ કરનાર અને અનુમોદન કરનાર અને મદદ કરનાર એ બધાને સારું કે બૂરું ફળ બરોબર હિસેજ મળે છે, એમ જિનેશ્વરદેવે ફરમાવેલું છે. જે દેશમાં કે શહેરમાં શ્રી અરિહંત પ્રભુની પ્રતિષ્ઠા થાય છે તે તે ઠેકાણે રોગ દુષ્કાળ, કે દુશ્મનાઈ પેદા થતાં જ નથી.જે સ્ત્રી જિનેશ્વર મહારાજને પાળ કરવા માટે માથે પાણીની ગાગર-બેઠું ભરીને લાવે છે તે સ્ત્રી સારા ચિત્તને તાબે થવાને લીધે ચક્રવર્તીની સ્ત્રીનું પદ મેળળી છેવટે મુક્તિને મેળવે છે. જેમ જીવ વિનાનો દેહ, વિદ્યા વિનાનો સપૂત પુત્ર, આંખ વિનાનું મુખ, દિકરા વિનાનું સારુકુળ, પાણી વિનાનું સરોવર અને સૂર્ય વિનાનું આકાશ મનોહર લાગતું નથી. તેમ પ્રતિષ્ઠા વિનાના પ્રતિમાજી મનોહરપણાનેલાયક થતાં જ નથી. હવે સાત ક્ષેત્રમાં બીજું ક્ષેત્ર જીર્ણોદ્ધાર છે, તેનું ફળ નીચે મુજબ છે.
૩૬
Jain Education International
For Personal & Private Use Only
www.jainelibrary.org
