________________
વિવિધ વિષય વિચારમાળા ભાગ-૮ તેમાં બીલકુલ શક જેવું નથી.
જેટલા ગુણો રાત્રિભોજન ત્યાગ કરવામાં રહેલા છે તેટલા ગુણો સદ્ગતિને જ ઉત્પન્ન કરનારા છે, તેવા ગુણોની ગણત્રી કરવા કોણ સમર્થ થઈ શકે ?
કાચા ગોરસ, દુધ-દહીં, છાશમાં, દ્વિદળ કઠોળ મળવાથી, તેમાંથી ઉત્પન્ન થતાં સૂક્ષ્મ જીવોને કેવળી મહારાજાએ દેખેલો છે તેથી તેને પણ વર્જવા જોઇએ.
દયા ધર્મમાં તત્પર એવા માણસોએ, જંતુમિશ્ર, પુષ્પો, ફળોનો ત્યાગ કરવો જોઈએ.
જીવોમિશ્રિત અથાણા કે, જેમાં દીર્ઘકાળ રહેવાથી ઘણા ત્રસ જીવો ઉત્પન્ન થાય છે તેને પણ વર્જવા જોઇએ.
આવી રીતે સર્વ ધર્મમાં દયામય ધર્મ જ મુખ્ય છે, એમ જાણીને ભક્ષ પદાર્થોને વિષે પણ,વિવેકબુદ્ધિવાળો શ્રાવક અનુક્રમે સંસારથી મુક્ત થાય છે.
(ઉપદેશ સાઠમો)
શ્રાવક્તા વ્રતો હે ભવ્ય જીવો ! જન્મ, જરા, મરણ, રોગ, શોકથી ભરેલા આ સંસારરૂપ મહાઅરણ્યમાં ધર્મ વિના બીજો કોઈ પણ ત્રાતા નથી, માટે હંમેશા તેને જ સેવવા લાયક છે. તે ધર્મ સર્વવિરતિ અને દેશવિરતિ એમ બે પ્રકારે છે. તેમાં અનગારી સાધુઓનો, પહેલો સર્વવિરતિ ધર્મ છે, તે સંયમાદિ દશ પ્રકારનો છે, અને આગારી ગૃહસ્થનો બીજો દેશવિરતિ ધર્મ છે. તે પાંચ અણુવ્રત, ત્રણ ગુણવ્રત અને ચાર શિક્ષાવ્રત એમ બાર પ્રકારનો છે.
હવે જો તે વ્રતો અતિચારવાળા હોય છે, તો તે સુકૃતને આપતા નથી, તેથી તે એક એક વ્રતના પાંચ પાંચ અતિચારો છે, તે ત્યજવા લાયક છે.
૧૬૯
Jain Education International
For Personal & Private Use Only
www.jainelibrary.org
