________________
સમજાતું નથી. તમારા ગયા પછી, સીધું સામાન ગોઠવીને જયાં ચૂલો પેટાવવાનો પ્રયત્ન કરું, ત્યાં જોયું તો દીવો ઓલવાઈ ગયો હતો. તમારા કહેવા પ્રમાણે લાકડામાંથી અગ્નિ મેળવવા મેં લાકડાને ચારે બાજુથી ખૂબ તપાસ્યું. લાકડાને ચીરી, તેના નાના નાના કટકા કરીને પણ ખૂબ બારીકાઈથી તપાસ્યું. પણ ક્યાં ય અગ્નિ તો શું, અગ્નિનો નાનો તણખો પણ જોવા ન મળ્યો ! તેથી અગ્નિ વિના હું રસોઈ બનાવું શી રીતે ? થાકેલા તમને ભોજન સમયસર નથી આપી શક્યો તે બદલ ખૂબ દુઃખી છું. હવે બોલો, રડું નહિ તો હું કરું પણ શું ?
પછી, તે સાથીદારોમાંથી જ એક માણસે બધાને કહ્યું કે, “ચિંતા ન કરો. તમે બધા સ્નાન-પૂજન કરીને તૈયાર થાઓ, હું હમણાં જ લાકડામાંથી અગ્નિ કાઢીને રસોઈ તૈયાર કરું છું.”
પછી તે પુરુષે કુહાડાની મદદથી લાકડામાંથી ઘણયું શર બનાવ્યું અને એ શરને અરણી સાથે ઘસ્યું. એટલે તેમાંથી અગ્નિ ઉત્પન્ન થયો. તેના વડે ચૂલો પેટાવીને તેણે રસોઈ કરી.
બધા તૈયાર થઈને આવ્યા એટલે બધાને પ્રેમથી ભાવપૂર્વક જમાડ્યા.
હે પ્રદેશ ! લાકડામાં ભલે પેલા કઠિયારાને અગ્નિ દેખાયો નહિ, પણ હતો તો ખરો ને ? તે અગ્નિ પ્રાપ્ત કરવાની રીતથી તે અજ્ઞાત હતો. માટે તેણે તે રીત અજમાવવાના બદલે લાકડાના ટૂકડે ટૂકડા કરીને અગ્નિ શોધવાનો બાલિશ પ્રયત્ન કર્યો.
તેમ પ્રદેશી ! ચોરના શરીરમાં જીવ તો હતો જ. દરેક જીવંત શરીરમાં તે શરીર કરતાં જુદો જ જીવ હોય છે. પણ તે જીવને જોવાની રીત તું જાણતો ન હોવાથી તે પેલા ચોરના શરીરના ટૂકડે ટૂકડા કરીને જીવને શોધવાનો બાલિશ પ્રયત્ન કર્યો.
પેલા કઠિયારાને, લાકડાના ઘણા ટૂકડા કરવા છતાં ય અગ્નિ ન મળ્યો તેથી લાકડા કરતાં જુદો લાકડામાં અગ્નિ નથી, તેમ જો ન કહેવાય તો શરીરના ઘણા ટૂકડાઓ કરવા છતાં ય તેમાં તને જીવ ન દેખાયો તેટલા મારાથી શરીર કરતાં જુદો જ જીવ શરીરમાં નથી, તેવું શી રીતે કહેવાય ? માટે હે પ્રદેશી ! હવે તો તું શરીરથી જીવ જુદો છે, તે વાતને સ્વીકાર. અને જો હજુ આ વાત સ્વીકારવાની તારી તૈયારી ન હોય તો મારે તને પેલા કઠિયારા સાથે ન સરખાવવો જોઈએ ?
