________________
હોય, છતાં ય તે સ્ત્રીએ બાળકને બચાવ્યો જ ગણાય. હેરાન કર્યો ન ગણાય. કારણ કે તેની ઈચ્છા તો બાળકને બચાવવાની જ હતી. જો અન્ય ઉપાય હોત તો તે બાળકને ઉઝરડા પણ પડવા ન દેત. પણ અન્ય ઉપાય ન હોવાથી નાછૂટકે ઉઝરડા પાડીને પણ તેણે બાળકને બચાવવો પડ્યો છે. બરોબર ને?
બસ, આ જ વાત ઉકાળેલા પાણીની બાબતમાં લાગુ પડે છે. જો પાણી વિના જીવી શકાતું હોય તો પાણીને ઉકાળવાની પણ જરૂર નથી. કાયમ માટે ચોવિહાર ઉપવાસ કરો ને? ઉકાળેલું પાણી પાવાની પણ તેમને વાત નથી.
પણ જયારે પાણી વિના જીવાતું નથી, જીવવાનો અન્ય ઉપાય નથી, નાછૂટકે પાણી પીવું જ પડે તેમ છે તો એમ કહેવાનું મન થાય છે કે કાચું પાણી તો ન જ પીવો. જેમ બાળકને બચાવવા જતાં ઉઝરડા પડ્યા પણ તે વિના છૂટકો નહોતો, તેમ બીજા અસંખ્યાત અસંખ્યાતા જીવોને બચાવવા જતાં અસંખ્યાતા જીવો બળી જાય છે, તે વાત સાચી પણ તે બાળવા માટે બળાતા નથી પણ અસંખ્યતગુણા અસંખ્યાતા જીવોને બચાવવા માટેનાછૂટકે કરવું પડે છે. તેથી બાળકને ખેંચીને બહાર કાઢનારી સ્ત્રી, બાળકને ઉઝરડા પાડવા છતાં પ્રશંસાને પાત્ર છે, તેમ ઉકાળેલું પાણી પીનાર પણ અનુમોદનાને પાત્ર છે; કારણકે સ્ત્રીની ઈચ્છા જેમ બાળકને બચાવવાની છે, તેમ ઉકાળેલું પાણી પીનારની ભાવના પણ અસંખ્યાતગુણા અસંખ્યાતા જીવોને બચાવવાની છે, મારવાની જરા ય નહિ. તેથી હવે અન્ય કોઈપણ દલીલ કર્યા વિના કાયમ માટે ઉકાળેલું પાણી પીવાનું શરૂ કરી દેવું જોઈએ.
(૩) તેઉકાય તેઉકાય તેજસ્કાય અગ્નિકાય. અગ્નિ, વીજળી, દીવો, લાઈટ, અંગારા, વગેરે અસંખ્યાતા તેઉકાય જીવોના શરીરો છે. તેની વિરાધના ન થાય તેની કાળજી રાખવી જોઈએ..
પૂજનીય સાધુ-સાધ્વીજી ભગવંતો લાઈટ કે ચુલાના ઉપયોગ વિના આખી જીંદગી પસાર કરે જ છે ને? તેમને જો નજરમાં રાખવામાં આવે તો જરૂર કરતાં વધારે લાઈટનો જે ઉપયોગ થાય છે, તે તો કમસેકમ અટકી જ જાય. જે રૂમમાં કોઈ ન હોય તે રૂમમાં નકામી લાઈટ બળતી ન હોય. જેમાં ઈલેક્ટ્રીસીટીનો ઉપયોગ થતો હોય તેનો બિનજરૂરી બેફામ ઉપયોગ થતો તો અટકી જ જાય. માત્ર આ વાતને લક્ષમાં લાવવાની જરૂર છે. હૃદયને કોમળ બનાવવાની જરૂર છે.
યાદ છે ને પેલા ગજસુકુમાલમુનિની વાત ! દીક્ષા લઈને પ્રથમ દિને જ સ્મશાનમાં ધ્યાન ધરવા ગયા. સોમીલ સસરાએ તેમના માથે માટીની પાળ બાંધીને વચ્ચે ખેરના ધગધગતા અંગારા ભર્યા. માથું સળગી રહ્યું છે, છતાંય મુનિવર તો અડગ
