________________
કાચાપાણીના જીવોની વિરાધના નહિ કરવાનો તેમનો ઉત્તમભાવ તેમને કેવળજ્ઞાન અપાવી શક્યો, તે જાણીને પણ કાચાપાણીની વિરાધના બંધ કરી દેવી જોઈએ કે શક્યતઃ ઓછી કરી દેવી જોઈએ.
થમ્સ અપ, પેપ્સીકોલા વગેરે ઠંડાપીણા, સરબત, બરફગોળા, બરફવાળી વસ્તુઓ વગેરેમાં પણ કાચાપાણીના અસંખ્યાતાજીવોની વિરાધના છે. તેથી તે બધી વસ્તુઓનો ત્યાગ કરી દેવો જોઈએ. રોજ ઉકાળેલું પાણી પીવાનો નિર્ણય કરવો જોઈએ. કાચાપાણીમાં અસંખ્યાતા જીવોના જન્મ-મરણની ઘટમાળ સતત ચાલ્યા કરે છે. તેને ઉકાળવામાં આવે તો તે વખતે તેમાં રહેલાં અસંખ્યાતા જીવો બળીને ખાખ થઈ જાય છે, પણ પછી-શિયાળામાં ચાર પ્રહર, ઉનાળામાં પાંચ પ્રહર તથા ચોમાસામાં ત્રણ પ્રહર સુધી-તેમાં સતત જન્મ-મરણની ઘટમાળ ચાલતી નથી. તેથી તેના કરતાં અસંખ્યાતગુણા અસંખ્યાતા જીવોને ઉકાળેલું પાણી પીવાથી અભયદાન મળી જાય છે. ધારો કે પાણી ઉકાળતી વખતે અસંખ્યાતા=૧૦૦૦ જીવો જો બળીને મરી ગયા હોય તો જો પાણી ન ઉકાળત તો સમયે-સમયે અસંખ્યાતા-અસંખ્યાતા એટલે કે ૧૦૦૦-૧૦૦૦ જીવો મર્યા કરત. આમ થતાં, જેટલો સમય વાપરવાની બુદ્ધિથી રાખેલ હોય તેટલો સમય સુધી દર સમયે-સમયે અસંખ્યાતા અસંખ્યાતા (અસત્કલ્પનાએ ૧૦૦૦-૧૦૦૦) જીવોના મોતમાં નિમિત્ત બનવાનું પાપ લાગ્યા કરત. ઉકાળેલું પાણી પીવાથી તે તમામ પાપ લાગતું બચી ગયું.
વળી પાણી ઉકાળનારના મનમાં પાણીના જીવોને મારી નાંખવાની બુદ્ધિ નથી પણ સંભવિત અસંખ્યાત-અસંખ્યાત જીવોને બચાવવાની બુદ્ધિ છે. તેથી તેણે જીવોને માર્યા ન ગણાય પણ બચાવ્યા ગણાય.
આંગણામાં બેસીને ઘઉં ચાળતી બહેને દૂર રહેલાં એક ખાડામાં પોતાના બાળકને ઉતરી ગયેલો જાણ્યો. ઊભી થઈને દોડી. જુએ છે તો ખાડામાં રહેલાં બાળકને ડંખ મારવા સાપ તેની નજીક આવી રહ્યો છે. જો તે સ્ત્રી પાછળના ભાગમાં રહેલી સીડીથી ઉતરીને બાળકને લેવા જાય તો તેટલા સમયમાં સાપ તેને ડંખ મારી જ દે. તેથી તે સ્રીએ ખાડાની બાળક તરફની ધાર પાસે ઊભા રહીને બાળકને હાથ ઊંચો કરવા કહ્યું. પોતાના હાથથી બાળકના હાથને પકડીને ખેંચીને તરત બહાર કાઢ્યો. તેમ કરવાથી બાળકનું શરીર ખાડાની ખરબચડી ધારને ઘસાયું. તેને ઉઝરડા પડ્યા. લોહી નીકળ્યું. બાળક રડવા લાગ્યો.
આ સ્ત્રીએ બાળકને બચાવ્યો કે બાળકને લોહી કાઢીને હેરાન કર્યો ? એ સવાલનો જવાબ બધા એમ જ આપશે કે ભલે ઉઝરડા પડ્યા હોય ને લોહી નીકળ્યું
૫૫
