________________
મોકલ્યા હતા.’
શ્રી કૃષ્ણ મહારાજાએ પણ ૭મી નરક યોગ્ય કર્મ બાધ્યું હતું. પણ નેમીનાથ ભગવાનના ૧૮૦૦૦ સાધુઓને એવા ભાવથી વંદન કર્યા કે જેથી તેમની ચાર નરક તુટી ગઈ. હાલ ત્રીજી નરકમાં તેઓ દુઃખ અનુભવે છે. પણ ત્યાંથી નીકળીને આવતી ચોવીસીમાં તેઓ અમમનાથ નામના તીર્થંકર ભગવાન થવાના છે.
અને પેલા શ્રેણિક મહારાજા ! જે પરમાત્મા મહાવીરદેવના પરમભક્ત હતા. અને આવતી ચોવીસીમાં પદ્મનાભસ્વામી નામના પહેલા ભગવાન થવાના છે, તેઓ હાલ તો પહોંચી ગયા છે પહેલી નરકમાં ! પરમાત્મા મળ્યા પહેલા શિકાર કરવા ગયેલા ત્યારે એક જ તીરથી હરણીને તેના ગર્ભ સાથે જ વીંધી કાઢી હતી. અને પછી મૂછે વળ દીધેલા કે, ‘‘છે મારા જેવો કોઈ બાણાવળી ! એક તીરે બેનો શિકાર !'' પાપ કર્યા પછી પાપની પુષ્કળ પ્રશંસા કરી તો નરકમાં જવાનું પાપ નિકાચીત થઈ ગયું.
તેઓને પહેલી નારકમાં ૮ ૪૦૦૦ વર્ષ સુધી રહેવું પડશે. ત્યાર પછી આપણા આ ભરતક્ષેત્રમાં પહેલા ભગવાન થશે.
નરકમાં ઓછામાં ઓછું આયુષ્ય દસ હજાર વર્ષનું તો હોય જ, અને સાતમી નરકમાં સૌથી વધારે ૩૩ સાગરોપમનું આયુષ્ય હોય. તે પહેલા મરવા માંગે તો ય મરી *ન શકે ! તેણે બધા દુઃખો ભોગવવા જ પડે.
રાત્રિભોજન અને કંદમૂળભક્ષણના પાપો રાચીમાચીને જેણે કર્યાં છે, તે હજુ તો હૉસ્પિટલમાં મરણપથારીએ પોઢેલો તેના સ્વજનોને દેખાય છે. નાકમાં રૂના પૂમડા અને કપાળ પર ઘીના લચકા મૂકાઈ રહ્યા છે. ડૉક્ટરો મસાજ કરી રહ્યા છે. હજુ જીવ છે કે નહિ ? તેની ચકાસણી થઈ રહી છે. ત્યાં પેલા ભાઈનો આતમરામ-પૂર્વે નરકનું આયુષ્ય બાંધ્યું હોવાથી-ક્ષણમાં પહોંચી ગયો છે નરકમાં...
કેરોસીનની ગરણી તો તમે જોઈ છે ને ? બસ તેવી ગરણી જેવી ત્યાં કુંભી હોય છે. તેમાં તે ઉત્પન્ન થાય તે વખતે તે નારકને શરીર મળે અત્યંત બિભત્સ...! જોતાં ય ચીતરી ચડે તેવું !!! માંસના લોચા રૂપ !
ત્યાં રહેલા પરમાધામી દેવો, તે માંસના લોચાના ટૂકડે ટૂકડા કરીને, ગરણીની (કુંભીની) નીચેની સાંકડી નળીમાંથી બહાર કાઢે, તેનું નામ ના૨કનો જન્મ !
અમુક નરકોમાં ગરણીઓ (ના૨કોને ઉત્પન્ન થવાનું સ્થાન કુંભીઓ) ખૂબ ગરમ હોય અને તેમાંથી નીકળ્યા પછી નારકોને રહેવાનું સ્થાન ખૂબ જ ઠંડું હોય. તો કોઈક નારકમાં કુંભીઓ અત્યંત ઠંડી હોય પણ તેમને રહેવાનું સ્થાન ખૂબ જ ગરમ હોય. તેથી તેમને સહન ખૂબ કરવું પડે.
ઉત્પન્ન થયા પછી આ નાžકના જીવોને જરા ય સુખ નથી. સતત સમયે સમયે ભયંકર દુઃખોના અનુભવો તેમણે કરવા પડે છે.
૮૯
