________________
સમૃદ્ધિઓ ચરણોમાં આળોટી શકે અને જો તેની ગેરહાજરી થાય તો આવેલી અનેક સમૃદ્ઘિઓ હાથતાળી દઈને છટકી જાય .
ધર્મથી સુખ મલે અને પાપથી દુઃખ મળે.(સુખં ધર્માત્, દુઃખ પાપાત્ તેનો અર્થ એ છે કે ધર્મ કરવાથી પુણ્ય બંધાય.પછી જયારે તે પુણ્યકર્મનો ઉદય થાય ત્યારે સુખની સામગ્રીઓ પ્રાપ્ત થાય. અધર્મ ક૨વાથી પાપકર્મ બંધાય. જ્યારે તે પાપનો ઉદય થાય ત્યારે દુ:ખની સામગ્રીઓ આવીને ઊભી રહે.
આ દુનિયામાં સાચો ધર્મ કરનારા જીવોની પણ કયારેક સાવ કફોડી હાલત જણાય છે તો ક્યાંક ભયંકર પાપી જીવન જીવનારા માફીયા-ગુંડા લોકો પણ બિન્દાસ્તપણે આ દુનિયામાં ફરે છે અને કરોડો રૂપિયાનું વિલાસી જીવન જીવે છે. તેનું કારણ પણ એ જ છે કે તે ધર્મીજનોને હાલ પૂર્વે બાંધેલા પાપકર્મોનો ઉદય ચાલે છે. જયારે તે અધર્મી માફીયા લોકોને હાલ પૂર્વે બાંધેલા પુણ્યકર્મોનો ઉદય ચાલે છે.
ધર્મીને પણ જયારે કરેલા ધર્મથી બંધાયેલા પુણ્યનો ઉદય થશે ત્યારે તેના જીવનની રોનક કોઇ જુદી જ હશે; જયારે તે અધર્મીઓના અધર્મના પ્રભાવે બંધાયેલાં પાપકર્મોનો તેમને ઉદય થશે ત્યારે તે કરોડપતિઓ પણ રાતોરાત રોડપતિ બની ગયા વિના કદાચ નહિ રહે !
સંસારી જીવોને તો આ પુણ્યકર્મના ઉદયની ડગલે ને પગલે જરૂર પડવાની. જેઓ સાધુ બની ગયા છે; તેમની વાત ન્યારી છે. તેઓની કક્ષા એટલી ઊંચી છે કે તેમને મન પાપકર્મ એ જો લોખંડની બેડી છે તો પુણ્યકર્મ એ સોનાની બેડી છે. બંને મોક્ષમાં જવામાં અટકાયત કરે છે. માટે સાધુઓની ઊંચી કક્ષામાં ભલે પુણ્યકર્મ ઈચ્છાતું ન હોય તો ય જેમની કક્ષા તેવી ઊંચી નથી, તેમણે તેમની બાળકક્ષામાં પુણ્ય પણ મેળવવું જરૂરી છે.
પુણ્યકર્મના ઉદયે જે ધર્મસામગ્રી મળે તેના દ્વા૨ા ધર્મ થાય. તેથી પાપકર્મો દૂર ઠેલાય.જો પુણ્ય ન હોય તો માનવજીવન, આર્યદેશ, પાંચ ઇન્દ્રિયથી યુકત શ૨ી૨, સુંદર ધર્મીષ્ઠ માતા-પિતાના કુળમાં જન્મ, નજીકમાં જિનાલય, સદ્ગુરૂની પ્રાપ્તિ; કલ્યાણમિત્રનો યોગ વગેરે શી રીતે મળે ? અને જો ઉપરોકત ધર્મસામગ્રીઓ ન મળી હોય તો પાપ, પાપ તરીકેસમજાશે શી રીતે ? અને જો પાપને પાપ તરીકે સમજયું જ નહિ હોય તો તે છૂટશે કેવી રીતે ?
પુણ્યના ઉદયે જેમ સંસારની સામગ્રીઓ મળે છે, તેમ ધર્મની સામગ્રીઓ પણ પુણ્યના ઉદયથી જ મળે છે.
૧૪૨
