________________
પોતે સારા બનવું નથી. બેફામ જીવન જીવવું છે. ગોઠવેલી જીવનપદ્ધતિમાં કોઈ ફેરફાર કરવો નથી. અનીતિ, દગાબાજી, અનાચાર વગેરે ચાલુ રાખવા છે. અને દુનિયામાં સારા માણસ તરીકેની પ્રસિદ્ધિ જોઈએ છે. તે માટે તે જે કાંઈ કરે તે બધું માયા સિવાય શું કહેવાય ?
તેથી સૌ પ્રથમ આપણે હકીકતમાં સારા બનવા માટેનો પ્રયત્ન કરવો જોઈએ. તે માટે બીજાના માટે ઘસાતા શીખવું જોઈએ. સ્વાર્થીપણાનું વિસર્જન કરવું જોઈએ. તે માટે ધર્મારાધના વધારવી જોઈએ. પરમાત્માની ભાવ વિભોર બનીને, દોષોની નાબૂદી માટેની કાકલૂદીપૂર્વકની ભક્તિ કરવી જોઈએ. આ રીતે સારા બનવા માટે પ્રયત્નો કરવા જોઈએ. પણ જ્યાં સુધી હકીકતમાં સારા ન બનીએ ત્યાં સુધી હૃદયના નિખાલસ બનવું જોઈએ. મુખમાંથી સરળતાભર્યા શબ્દો નીકળવા જોઈએ. રમીની રમત જેવું ખુલ્લેખુલ્લું જીવન જીવવું જોઈએ. દંભ-પાખંડને હજારો યોજન દૂર રાખવા જોઈએ.
જો નિખાલસભર્યું જીવન જીવવામાં નહિ આવે તો આ માયા નામની ડાકણ આપણી ઉપર હુમલો કર્યા વિના નહિ રહે. આપણા આત્મગુણોનો ટોટો પીસવા તે થનગની રહી છે.
આ માયા ડાકણે લક્ષ્મણાસાધ્વીજી ઉપર એવો હુમલો કર્યો કે જેના કારણે ૫૦ વર્ષ સુધી ઉગ્ર તપ તપવા છતાં ય તેઓ શુદ્ધિ ન પામી શક્યા. અરે ! તેમનો સંસાર ખૂબ વધી ગયો.
પેલા રૂમિરાજા ! દીક્ષા લઈ અનેક સાધ્વીજીઓના ગુરુસાધ્વી પદે બિરાજ્યા. છતાં ય છેલ્લા સમયે પ્રાયશ્ચિત્ત માટે આલોચના કરતી વખતે આ માયા ડાકણે તેમની ઉપર હુમલો કર્યો તો તેમનેય ઘણા ભવો આ સંસારમાં રખડવું પડ્યું. તપ-જપ-સંયમની સાધનાને આગ ચાંપવાનું કામ આ માયાએ કર્યું.
મહાસંયમી અષાઢાભૂતિ મુનિવરે લાડવા મેળવવા માટે માયાનો આશ્રય લીધો તો તેઓ સંયમજીવનને હારી ગયા. પાક્કા સંસારી બનવું પડ્યું. ઉપકાર માનો ગુરુદેવનો કે જેમણે સાધુજીવન છોડવાના સમયે આપેલી હિતશિક્ષાના કારણે અષાઢાભૂતિમાં પરિવર્તન આવ્યું. જેના જોરે તે જ ભાવમાં કેવળજ્ઞાન પામીને મોક્ષે ગયા.
પણ મલ્લિનાથ ભગવાનના આત્માએ પૂર્વના ત્રીજા ભવમાં આ માયાનો સહારો લીધો તો તેનું જે પરિણામ આવ્યું, તેનાથી કોણ અજાણ છે? તીર્થકર તો સદા યં પુરુષદેહે જ હોય ને ? પરન્તુ અનંતકાળમાં ન બને તેવું મલ્લિનાથ ભગવાનના જીવનમાં બન્યું. કરેલી માયાના પરિણામે તેમને આ જ
સ ૧૫૯ હા હા હા રે
