________________
મોઢેથી આ બધી વાતો સાંભળીને લોકો દંગ થઇ ગયા. પછી બાળકને તેની પૂર્વજન્મની પત્ની પાસે લઇ જવામાં આવ્યો. ત્યાં બાળકે પત્ની, સગાંઓ અને નોકરોને ઓળખી કાઢયા. બે વર્ષ પહેલાં જ મૃત્યુ પામેલા ડ્રાઇવર વફાતની બાબતમાં પણ ઝીણી પૂછપરછ કરી. (-જનશકિત દૈનિક) મોટામાં મોટી બહુમતિ ધરાવતા વિશ્વના બે ધર્મોના પ્રતિપાદક ગ્રંથો-કુરાન અને બાઇબલ-ની શ્રદ્ધાને પણ પુનર્જન્મના કિસ્સાઓની પસાર થતી વણઝારે હલબલાવી મૂકી છે તે વખતે ભગવાન્ જિનેશ્વરોનાં આગમપ્રવચનો પરિપૂર્ણ સત્ય સ્વરૂપમાં બહાર આવે છે.
મોટામાં મોટી કમનસીબીની વાત તો એ છે કે, આપણે જ આપણી જાતને ‘શકોરૂં લઇને ભીખ માંગવા યોગ્ય' માની લીધી છે. જાજરમાન મહાસંસ્કૃતિની શ્રીમંતાઇ વારસામાં મળી હોવા છતાં મહાસત્યના પ્રતિપાદક શાસ્ત્રો આપણી જ પાસે હોવા છતાં; જીવનના પાયાના પ્રશ્નો જેવા સુખદુઃખનું મૌલિક તત્ત્વજ્ઞાન આપણા જીવનમાં વણાયેલું હોવા છતાં પશ્ચિમના દેશોની અંધભકિતએ આપણને દીન, હીન અને ક્ષીણ બનાવ્યા. અફસોસ ! આપણે દુનિયાને ઓળખી પણ જાતને જ વીસરી ગયા.
ખેર. હજી જાગીએ, મોડું તો થયું જ છે છતાં ‘ઘણું બધું મોડું નથી થયું' એમ સમજીને બેઠા થઇ જઇએ.
વંદન હો આત્માની અમરતાને.
વંદન હો; પૂર્વજન્મ અને પુનર્જન્મની સત્યતાને રમતવાતમાં સમજાવી દેતાં પરમાત્મા મહાવીરદેવના જિનાગમોને,
પૂર્વજન્મ અને પુનર્જન્મની અદ્ભુત વાતો વિચારતાં આપણા અંતરમાં એક વાત તો હવે જડબેસલાક જડાઇ જવી જોઇએ કે ‘આત્મા' એ સ્વતન્ત્ર હસ્તિ ધરાવતું એક અદ્ભુત તત્ત્વ છે. આ વાત કોઇ પણ સંયોગમાં કોઇ પણ દીલથી પડકારી શકાય તેમ નથી. ઘર ઘરમાં તત્ત્વજ્ઞાનનો પ્રકાશ ફેલાવતું
ઘેર બેઠાં તત્ત્વજ્ઞાન (માસિક)
દર મહીને ઘેર બેઠાં જિન શાસનના તત્ત્વજ્ઞાનને સરળ ભાષામાં સમજાવતાં આ માસિકના ગ્રાહક
આજે જ બનો. ત્રિ વાર્ષિક લવાજમ રૂા. ૧૫૦.
લવાજમ ભરવાનું સ્થળ : ચં.કે. સંસ્કૃતિ ભવન, ગોપીપુરા સુભાષચોક, સુરત
૪૭
