________________
શ્રી “શ્રીચંદ્ર” (કેવલિ - મોટા પ્રસાદથી વિશાળ દાનથી જુદી જુદી રીતે ચારે કળાકારનું સન્માન કર્યા ! તે પલ્લીના સ્થળે સૂવતીના નામ ઉપરથી નવું સૂર્યપુર નામનું નગર વસાવ્યું. દીપચંદ્ર અને શુભગાંગ રાજાઓને કેટલીક ભૂમિ ભેટ આપી. પ્રતાપસિંહે સિંહપુરનું નિરીક્ષણ કર્યું. પછી બન્ને રાજાઓ દીપશિખામાં પાછા આવ્યા. કેટલાક દિવસ રહ્યા બાદ પ્રતાપસિંહે સૂર્યવતીથી યુક્ત કુશસ્થળ તરફ પ્રસ્થાનની તૈયારી કરી.
એમ જ થયું. પ્રસ્થાન અવસરે પ્રદીપવતીના નયનમાં અશ્રુ આવ્યાં. સૂર્યવતીને કુલાંગના હીતશિક્ષા આપી. દીપચંદ રાજા અને પ્રજાજનો અશ્રુભીના નયને વળાવીને પાછા વળ્યા. કેટલાક દિવસે એક શુભ દિવસે સુંદર શણગારેલી કુશસ્થળ નગરીમાં મહોત્સવપૂર્વક પ્રવેશ કરીને, પુણ્યના પ્રભાવે પૃથ્વી પતિ પ્રતાપસિંહ પટ્ટરાણું અને રાણીઓ સાથે સંસાર ભોગવવા લાગ્યા !
કહ્યું છે કે, “સુકુળમાં જન્મ, તનનું નિરોગીપણું, સૌભાગ્ય, નિર્મળયશ, વિદ્યા અને ધન, સંપત્તિ ધર્મથી જ પ્રાપ્ત થાય છે! સારી રીતે સેવેલ ધર્મ, સ્વર્ગ અને મોક્ષને પણ આપે છે!
