Book Title: Pavitra Kalpasutra
Author(s): Punyavijay, Bechardas Jivraj Doshi, Sarabhai Manilal Nawab
Publisher: Sarabhai Manilal Nawab
View full book text
________________
गाहावइकुलं जाव काउसग्गं वा ठाणं वा ठाइचए, से य से पडिसुणिज्जा एवं से कैप्पइ गाहावइ तं चेव, से य से नो पडिसुणिज्जा एवं से नो कप्पड़ गाहावइकुलं जाव काउस्सग्गं वा ठाणं वा ठाइचए ॥२८॥
वासावासं० नो कप्पइ निग्गंधाण वा निग्गंथीण वा अणाभिगहियसेज्जासणियं होत्तए, आयाणमेतं, अणभिग्गहियसेज्जासणियस्स अणुच्चाकुइयस्स अणटाबंधिस्स अमियासणियस्स अणातावियस्स असमियस्स अभिक्खणं २ अप्पडिलेहणासीलस्स अप्पमज्जणासीलस्स तहा २ णं संजमे दुराराहए भवइ अणायाणमेतं, अभिग्गहियसेज्जासणियस्स उच्चाकुवियस्स अट्ठाबंधिस्स मियासणियस्स आयाविस्स समियस्स अभिक्खणं २ पडिलेहणासीलस्स पमज्जणासीलस्स तहा २ णं संजमे सुआराहए भवइ ॥२८१॥
वासावासं पज्जोसवि० कप्पइ निग्गंथाण वा २ तओ उच्चारपासवणभूमीओ पडिलेहित्तएँ, न तहा हेमंतगिम्हासु जहा णं वासावासेसु, से किमाहु भंते ! १ वासावासएसु णं ओसन्नं पाणा य तणा य बीया य पंणगा य हरियायणा य भवंति ॥२८२॥ वासावासं पज्जोसवि० कप्पइ निग्गंथाण वा निग्गंथीण वा तओ मत्तगाई गिण्हित्तए, तं०-उच्चारमत्तए पासवणमत्तए खेलमत्तए ॥२८३॥
वासावासं पज्जोसवि० नो कप्पइ निग्गंथाण वा निग्गंथीण वा परं पज्जोसवणाओ गोलोमप्पमाणमित्ते वि केसे तं रयणि उवायणावित्तएँ, पक्खिया आरोवणा, मासिते खुरमुंडे, अद्धमासिए कचरिमुंडे, छम्मासिए लोए, संवच्छरिए वा थेरकप्पे ॥२८४॥
. १ कुलं भत्ताए या पाणाए वा पविसामि बाणिक्खमामि वा जाव च॥ २ ठामि, सेय च-छ॥ ३ कप्पड जाप काउस्सग्मं वा ठाणं वा ठाइतए, से य से जो पडिसुणेज्जा च॥ ४ तप, णो वेवणं तहाच॥ ५ वासासुर-बिना ॥६रियातणाच॥७०सप, अज्जेणं खुरमुंडपण वा लुक्कसिरपण वा होयव्वं सिचा, पक्खिाया।
