Book Title: Mulshuddhi Prakaranam Part 01
Author(s): Dharmdhurandharsuri, Amrutlal Bhojak
Publisher: Shrutnidhi
View full book text
________________
१३०
सविवरण मूलशुद्धि प्रकरण द्वितीय स्थानके गतं सङ्काशजीवाख्यानकम् । अधुना सम्प्रतिनृपाख्यानकमाख्यायते । अपि च
(१९. सम्प्रतिनृपाख्यानकम्) सुर-असुर-जोइ-वणयर-विज्जाहर-णरवईहिं पणिवइओ।
आसि जियो सिरिवीरो वीरो अप्पच्छिमो भरहे ॥१॥ तेण चिराउयकलिओ' कलिऊणं पंचमो गणहरिंदो । निययपएऽणुण्णाओसामिसुहम्मोसुहम्मो त्ति।२। तस्स विणेओ जंबू जंबूणयणिघसतुल्लतणुतेओ । सुर-णरवंदियचरणो अपच्छिमो केवलहराणं ॥३॥ तत्तो गुणाण पहवो पहवो णामं गणाहिवो जाओ । सुयकेवली महप्पा, तस्स य सीसो तओ जाओ।४। सेजंभवो त्ति सेजं भवोयही तारगो जओ जेण। दसवेयालियमेयं मणगस्सट्ठाइ णिजूढं ।।५।। तस्सीसो जसमद्दो जसभद्दो गणहरो समुप्पण्णो । तत्तो च्चिय संभूओ णाम वरसूरी ।।६।। तत्तो य भद्दबाहु त्ति भद्दबाहू जुगप्पहाणगणी । तस्स वि य थूलभद्दो सुथूलभद्दो गणी जाओ ।।७।। चंउदसपुव्वधराणं अपच्छिमो जो इमम्मि भरहम्मि । उस्सप्पिणीइमाए अणेगगुणगारवग्धविओ ।।८॥ जो मयरद्धयकरिकरडवियडकुंभयडपाडणपडिट्ठो । दढदाढविउडियमुहो खरणहरो केसरिकिसोरो ।।९। दो सीसा तस्स तओ जाया दसपुव्वधारयाधीरा । जेट्टो अज्जमहागिरि अजसुहत्थी य अणुजेट्ठो।१०॥
तओ तेसिं दुण्हं पि थूलभद्दसामिणा जुयंजुया गणा दिण्णा । तहा वि अइपीइवसेण एगओ चेव विहरंति । अन्नया कयाइ अनिययविहारेण विहरमाणा कोसंबिणामणयरिं गया । तत्थ खुड्डलयवसहिवसेण पिहप्पिहं ठिया । तत्थ य तया महंतं दुब्भिक्खं वट्टइ । ततो अजसुहत्थिसाहुणो पविट्ठा भिक्खणिमित्तं महाधणवइधणसत्थवाहगेहं । तओ पविसंते दळूण साहुणो सहसा सपरियणो अब्भुट्ठिओ धणसत्थवाहो । वंदिया य साहुणो । आइट्ठा य भारिया जहा 'आणेहि लहुं सीहकेसरमाइयं पहाणाहारं जेण पडिलाहेमि भयवंते' । तव्वयणाणंतरमेव समाणिओ पहाणाऽऽहारो तीए । तओ समुभिजमाणरोमंचकंचुएणं हरिसवसविसटुंतवयणकमलेणं पडिलाहिया मुणिणो, वंदिया य सपरियणेणं, अणुव्वइया य गिहदुवारं जाव । एयं च सव्वं दिळं भिक्खट्ठा पविटेणं एगेणं दमगेणं । तं च दद्दूण चिंतियं तेण, अवि यधन्ना अहो ! कयत्था एए च्चिय एत्थ जीवलोगम्मि । एवंविहे वि एवं भत्तीए जे णमिजंति ॥११॥ नरलोयदुल्लहाणि य विविहपगाराणि भक्खभोज्जाणि । पज्जत्तीए अहियं लहंति दुब्भिक्खकाले वि।१२।
१. ला० अवि या ॥ २. ला० रपहूहिं ॥ ३. “वीरो(रोड)ग्रणी: मु० टिप्पणी ॥ ४. ला० चलणो॥ ५. ला० लधराणं ॥ ६. ला० पभवो पभवो || ७. ला० तेण ॥ ८. ला० चोइसपु ॥ ९. ला० ‘या य क' ॥ १०. ला० ते साहूणो दटूण स’ ॥ ११. ला० 'हेहिँ एवं ॥
Page Navigation
1 ... 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326