Mulshuddhi Prakaranam Part 01

Author(s): Dharmdhurandharsuri, Amrutlal Bhojak
Publisher: Shrutnidhi

Page 275

२५२
सविवरण मूलशुद्धि प्रकरण चतुर्थ स्थानके एत्तो य भयवं उसभसामी गहियजिणदिक्खो कयमोणव्वओ जत्थ जत्थ पविसइ तत्थ तत्थ वत्थाऽऽभरणा-ऽलंकार-कण्णया-रयण-करि-तुरगाइएहिं उवनिमंतिज्जइ, जओ न जाणइ जणो 'केरिसा भिक्खा? केरिसा वा भिक्खयर ?' त्ति । एवं च विहरमाणस्स भयवओ वोलीणो संवच्छरो तम्मि दिणे। दिट्ठो पओलीद्वारेण पविसमाणो सेजंसकुमारेण । दद्दूण य चिंतिउं पवत्तो, अवि य
'जारिसमिमं पियामहरूवं लिंग वयं पमाणं च । तारिसयं मम कत्थइ पडिहासइ दिठ्ठपुव्वं च ॥१॥ ता कत्थ पुणो दिलु ?' इय ईहा-ऽपूह-मग्गणपरस्स । जायं जाइस्सरणं, तेण वि सो जाणिउं सव्वं ॥२। 'पडिलाहेमि जिणिदं जइ एइ कहंचि मह गिहे' एवं । भावित्तु गवक्खाओ उत्तरिय गिहंगणं पत्तो ॥३॥ एत्थंतरम्मि तदंसणाय खोयरसपुण्णघडएहिं । संपत्ता के वि नरा, भयवं पि समागओ तत्थ ॥४॥ तो दर्छ तिजगगुरुं पयडसमुभिण्णबहलरोमंचो । गहिउं इक्खुरसकुडं भणइ 'अणुणहह मं भयवं!'।५। तो सुज्झई त्ति काउंजिणनाहेण विपसारिया पाणी । सेजंसेण वि खित्तो सव्वो विरसो करयलम्मि ।६ अवि चंदिम-सूरेसुं सिहा विलगेइ, नेय हत्थाओ । एक्को वि पडइ बिंदू, जम्हा जिणअइसओ एसो॥७॥ 'अजं चेव कयत्थो जाओहं, अज जीवियं सहलं । माणुसजम्मस्स फलं अजं चिय नणु मए लद्धं ॥८॥ जं पारिओ जिणिंदो मह गेहे' जाव चिंतई एवं । ताव गयणंगणाओ वुटुं गंधोदयं सुरहि ।।९।। सुरकरकोरयमुक्का जयजयसद्देण पडइ गयणाओ । परिलिंतमत्तमहुयरझंकारा कुसुमवरवुट्ठी ।।१०।। पहयाओ दुंदुहीओ सुरेहिं गयणम्मि गहिरघोसाओ । आबद्धइंदधणुहो मुक्को रयणाण संघाओ ।।११।। चेलुक्खेवो य कओ, तहा य पप्फुल्ललोयणा तियसा । जपंति तत्थ एवं अहो! सुदाणं महादाणं ।।१२। कुमर ! कयत्थो सि तुमं, तुज्झ सुलद्धं च माणुसं जम्मं । जेणऽज तए तिहुयणनाहो पाराविओ एवं'।१३। सोऊण तयं सोमप्पभाइओ पुरजणो तहिं पत्तो । विम्हयउप्फुल्लमुहो पुच्छइ परमेण कोड्डेण ।।१४।
'कुमर ! तए कह नायें जह दिज्जइ भयवओ इमं दाणं ?' । 'जाइस्सरणाओ मए नायमिणं' जंपई कुमरो ॥१५॥ 'अण्णं च भयवया सह सिणेहसंबद्धओ अहं भमिओ । अट्ठभवग्गहणाई' पुणो वि तो पुच्छई लोगो ॥१६॥ 'केरिसयाइं ताइं ? साहसु कोउहलं जओ अम्ह । 'जइ एवं तो निसुणह' कुमरो कहिउं समाढत्तो ॥१७॥
१. सं० वा० सु० तओ ॥ २. सं० वा० सु० ण चिं ॥ ३. ला० जाईसर ॥ ४. सं० वा० सु० ण विसेसण जा ॥ ५. ला० मम गिहे ॥ ६. ला० ता ॥ ७. ला० उच्छुरस ॥ ८. सं० वा० सु० हेणं प" || ९. ला० सयलो वि ॥ १०. ला० 'दय सुरेहिं ॥ ११. मुपा० प्पहाइ सव्वो वि पुरजणो पत्तो ॥ १२. ला० विम्हियउ॥ १३. सं० वा० सु० 'यं दाइज्जइ भ' ॥ १४. पु० ला० जाईसर ।