Mulshuddhi Prakaranam Part 01

Author(s): Dharmdhurandharsuri, Amrutlal Bhojak
Publisher: Shrutnidhi

Page 314

कृतपुण्यकाख्यानकम्
२९१ तत्थ वि वसंतसेणागणियाएरूंय-जोव्वणजुयाए। विण्णाण-णाण-विणओवयारकुसलाइ गेहम्मि ।४०। जातीए अक्खित्तो कामुक्कोयणकहाहिं विविहाहिं । ताव वयंसयलोगो झड त्ति गेहाओ नीसरिओ।४१। सो तीए पोढिमाए तहा तहा रंजिओ सुरयकाले । जह तच्चित्तो जाओ अन्नत्थ मणं नियत्तेउं ।।४२।। भुंजइ तीए समाणं विसयसुहं सुरवरो व्व सग्गम्मि । पेसिति जहिच्छाए दव्वं जणयाणि अणवरयं ।।४३। इय निच्चिंतस्स तहिं पंचत्तं उवगयाणि जणयाणि । न वि जाणियाणि तेणं भज्जा पेसेइसे दव्वं ।।४४।। इय बारसमे वरिसे धणयाऽऽसमसन्निभं तयं गेहं । दव्वक्खएण जायं दारिद्दियसुन्नगेहं व ।।४५।। तो निट्ठियम्मि दव्वे कुलीणयाए नियं पि आभरणं । पेसेइ तयं दटुं चिंतइ सा कुट्टणी एवं ।।४६।। 'नूण इमो निस्सारो संपइ जाओ' अओ तयं एसा । रूवयसहस्ससहियं पेसेइ पुणो वि आभरणं ।।४७। भणिया वसंतसेणा ‘वच्छे ! परिचयसु कामुयं एयं । निप्पीलियआलत्तयउच्छुसरिच्छं जओ अम्हं ।४८। एसोच्चिय कुलधम्मो माणिज्जइ जंधणडओ चेव। ता पुत्ति! कुलायारं मा मुय पडिवज्ज धणवंतं'।४९। तो जंपइ सा 'अम्मो ! मा एवं भणसुजेण एएण । दिण्णं पभूयदव्वं को अण्णो दाहिई एवं ? ।।५०।। आसत्तमं पि वेणीपज्जंतं अम्ह होहिई एयं । दाही पुणो वि अण्णं अम्मो दव्वं महाभागो ।।५१।। आयारेणं वोडाण मज्झ एवंविहेण न हु कज्जं । उत्तमगुणरयणाणं किंच इमो पूरिओ अम्मो!' ५२। इय तीइ निच्छयं जाणिऊण आयारसंवरं काउं । कज्जं हियए ठविउं तुहिक्का संठिया धुत्ती ।।५३।। रयणीए तओ सुत्तं पल्लंके निययपुरिसहत्थाओ । मेल्लावइ देवउले वसंतसेणाए सुत्ताए ।।५४।। निद्दाखए विबुद्धो एसो वि पलोइडं दिसायक्कं । चिंतइ किमिंदियालं? दिसिब्भमो किं व मह जाओ? किंवा वि सुमिणगोऽयं, उय धाउविवज्जओ भवे एसो?' । इय चिंतंतो भणिओ पासट्ठियदासचेडीए।। 'मा कुणसु बहुवियप्पे निययं कुलधम्ममणुसरंतीए । अंबाए निच्छूढो वसंतसेणाइ मड्डाए ।।५७।। तं वच्चसु नियगेहं पल्लंकं गहिय जेण वच्चामि' । तो विमणदुम्मणो सो निययं पइ पट्ठिओ गेहं ।५८। दिटुं च तयं तेणं महाअरण्णं व माणुसविमुक्कं । असुवण्णालंकारं कुकईयणरइयकव्वं व ।।५९।। पेयवणं व सुभीमं, गयरयणं वुड्ढपुरिसवयणं व । सुक्कसरं व अकमलं, गयसोहं विंझरण्णं व ।।६० । एवंविहं नियंतो सासंको जाव सो तहिं विसइ । ताविंतं दद्दूणं अब्भुट्ठइ झ त्ति से भज्जा ।।६१।।
दिण्णम्मि आसणम्मि उवक्ट्ठिो धोविया तओ चलणा ।
पुच्छइ य जणणि-जणयाणसंतियं सो तओ वत्तं॥६२॥ तीए वि अपरिसेसा अक्खाया असुए मुयंतीए । तं सोउं से दुक्खं संजायं नरयसारिच्छं ।।६३।।
१. ला० रूवजो ॥ २. ला० नीहरिओ ॥ ३. ला० टुं विचिंतए कुट्टणी एवं ॥ ४. सं० वा० सु० होहिही ॥ ५. ला० ‘णं वेडेण ॥ ६. ला० कातुं ॥ ७. ला० तयं सू ।। ८. सं० वा० सु० 'टो सोइओ तओ चलणे॥ ९. ला० 'याइस' ॥ १०. सं० वा० सु० तओदंतं ॥ ११. ला० अंसुयं ॥