Mulshuddhi Prakaranam Part 01

Author(s): Dharmdhurandharsuri, Amrutlal Bhojak
Publisher: Shrutnidhi

Page 313

२९०
सविवरण मूलशुद्धि प्रकरण चतुर्थ स्थानके कहिं अम्हे ? कहिं मुणिवर इंती ? कहिं अम्हे ? कहिं संपय संती? ।
कहिं अम्हे ? कहिं भत्ति तुरंती ? कहिं अम्हे कहिं तिण्णि मिलती ।।१७।। एवं च चिंतिऊणं 'थाले रेहाओ दोन्नि दाऊण । दाहामि त्ति तिभागं' भावितो उठ्ठिओ बालो ।।१८।। गंतुं साहुसमीवे जंपइ जइ सुज्झइ त्ति तो लेह' । नाऊण सुद्धि-भावे मुणिणा वि हु उड्डियं पत्तं ।।१९।। पक्खिविउं तत्थ तओ तिभागमित्तं पुणो वि चिंतेइ । अइथोवमिमं' तत्तो पक्खिवइ बिइज्जयं भाग।२०। पुण चिंतइ जइ कह विहु निवडइ अंबाइयं तओ एसा । नूण विणस्सइ खीरि' तइयं भागं पितो देइ।२१। वंदित्ता उवविठ्ठो पुणो वि तत्थेवचेव ठाणम्मि । साहुम्मि गए संते जणणी वि विणिग्गया बाहिं ।।२२।। तं दर्दू तयवत्थं नूणं भुत्तं अणेण तं सव्वं' । इय चिंतिऊण तीए पुणो वि परिपूरियं थालं ।।२३।। रंकत्तणेण भुत्तं तेण तयं तो अजीरमाणम्मि । रयणीए मरिऊणं सुभभावो रायगिहनयरे ।।२४।। धणपालइब्भगेहे भद्दाए भारियाए कुच्छिंसि । उववण्णो तो लोगो पयंपई ‘एस कयपुण्णो ।।२५।। जो एवंविहगेहे धण-धण्णसमिद्धिबंधुरे धणियं । उप्पज्जिही महप्पा गम्भे' अह कालसमयम्मि ।।२६ । पसवइ भद्दा सव्वंगसुंदरं दारयं सुकंतिल्लं । वद्धाविओ य इब्भो सुयजम्ममहसवं कुणइ ।।२७।। लोगेणं कयउण्णो भणिओ गब्भट्ठिओ इमो जम्हा । कयउण्णउत्ति तेणं नामंजणएहिं से विहियं ।।२८। वड्ढंतो य कमेणं जाओ बाहत्तरीकलाकुसलो । कामिणिजणमोहणयं आरूढो जोव्वणं जाव ।।२९।। ता इब्भबालियाए समाणकुल-रूय-जोव्वण-गुणाए । जणएहिं पसत्थदिणे विहिणा गिण्हाविओ पाणिं तह वि हु विसएसुमणं कलासुरसिओ न देइ सो जाव । ताभदाए भणिओधणपालो एरिसं वयण।३१।
'नाह ! इमो अकयत्थो सव्वो धणवित्थरो जओ एसो । निप्पिहचित्तो दीसइ अहियं कामेसु कयउन्नो॥३२॥ ता तह करेसु सामिय ! विसए सेवेइ जह इमो कुमरो । किं बहुणा वि धणेणं इमेण जइ विलसइ न एसो ?।।३३॥ तो जंपइ धणपालो ‘मा जंपसु पिययमे! इमं जम्हा ।
होंति असिक्खवियाणि वि एयाणि जणे जओ भणियं ॥३४॥ आहार-भय-परिग्गह-मेहुणसन्नाओ अणुवइट्ठाओ । गिण्हंति सव्वसत्ता, अव्वो! किं तदुवएसेण ।३५। किं च सहावेणं चिय कामग्गी दिप्पए जियाण पिए! । को हुसयन्नो दित्ते जलणे पक्खिवइ तणभारं'।३६। भदाए तओ भणियं 'जइ वि इमं तह विमज्झसंतोसो। एवं चिय होइजओ ताअवियारं इमं कुणसु'।३७/ जाणेत्तु निच्छयं तीए तेण दुल्ललियमणुयगोट्ठिए । छूढो तओ कुमारो तीए समंभमइ अणवरयं ।।३८।। उज्जाण-वावि-दीहिय-तलाय-पेच्छणयमाइठाणेसु । अह अण्णया पविठ्ठो वेसाणं पाडयंरम्मं ।।३९ । १. सं० वा० सु० बियज्जयं ॥ २. ला० भणिओ ॥