Mulshuddhi Prakaranam Part 01

Author(s): Dharmdhurandharsuri, Amrutlal Bhojak
Publisher: Shrutnidhi

Page 305

२८२
सविवरण मूलशुद्धि प्रकरण चतुर्थ स्थानके तेणं चेव फलेणं कमसो सिद्धिं पि पाविही एसो । ता दाणम्मि पयत्तो कायव्वो सव्वसत्तेहिं ।।७४।।
इति द्रोणकाख्यानकं समाप्तम् । ३२. साम्प्रतं सङ्गमकाख्यानकं कथ्यते
[३३. सङ्गमकाख्यानकम्] अत्थित्थ जंबुदीवम्मि भारहद्धम्मि दक्खिणे । मज्झिमखंडमज्झम्मि देसो मगहनामओ ।।१।। अत्थि तेलोक्कविक्खायं पुरं रायगिहं तहिं । अलयापुरिसंकासं सुस्सासं गुणपूरियं ।।२।। दप्पिट्टारिकरिंदाणं कुंभनिन्भेयपच्छलो । मयंदो सेणिओ राया तं पुरं परिपालए ।।३।। तस्सऽत्थि चेल्लणा नाम देवी सोहग्गगब्विया । वण्णलावण्णसंपण्णा कलाकोसलसालिणी ।।४।। एत्तो य सालिगामम्मि धण्णा उच्छण्णवंसया । बालयं संगमं नाम पुत्तं घेत्तुं समागया ।।५।। पट्टणाओ, तओ बालो वच्छरूयाइं रक्खए । अण्णया ऊसवे कम्हिं सव्वगेहेसु पेच्छइ ।।६।। भुजंतं पायसं बालो, तत्तो मायं विमग्गइ । 'पायसं देहि मे अंब!' तीए नत्थि'त्ति जंपियं ।।७।। वारं वारं विमगंतं रोविरं तं नियच्छिउं । सरित्ता पुव्वयं रिद्धि मण्णुणा सा वि रोवई ।।८।। पाडिवेसियनारीओ सोउं पुच्छंति कारणं । तीए सव्वम्मि अक्खाए वुत्तंते करुणापरा ।।९।। ताओ स्वीराईयं दिति रंधिउं सा वि पायसं । थालं भरित्तु पुत्तस्स घय-खंडसमण्णियं ।।१०।। कज्जेण गेहमज्झम्मि पविट्ठा जणणी तओ । साहू एत्थंतरे तत्थ पविठ्ठो मासपारणे ।।११।। भिक्खट्ठा तत्थ गेहम्मि, दिट्ठो संगमएण तो । समुन्भिज्जंतरोमंचकंचुओ चिंतए इमं ।।१२।। 'सुलद्धं माणुसं मज्झ, जीवियं जम्ममेव य । जेण सव्वा वि संपण्णा, सामग्गी दुल्लहा इमा ।१३।। पत्तं चित्तं च वित्तं च तिण्णि वी पुण्णजोगओ । पुण्णाई मज्झ पुण्णाइं अज्ज' एवं विचिंतिउं ।।१४।। पप्फुल्ललोयणो बालो उप्पाडित्ता समुट्ठिओ । तं खीरीपुण्णयं थालं, तओ गंतुं तयंतिए ।।१५।। 'करेहाऽणुग्गहं नाह !' जंपई भत्तिनिब्भरो । 'सुज्झई' त्ति वियाणेउं साहुणा पत्तमुड्डियं ।।१६।। सव्वं वड्ढंतभावेण तं खित्तं तेण पत्तगे । पुण्णंतरायभीएणं साहुणा न निवारियं ।।१७।। भत्तीए वंदिउं साहुं नियट्ठाणे निसण्णओ । विणिग्णयम्मि साहुम्मि, धण्णा गेहाओ निग्गया ।।१८।। ‘भुत्त' त्ति मण्णमाणीए पुणो तं तीए पूरियं । रंकत्तणेण तेणावि भुत्तं कंठप्पमाणओ ।।१९।। अजीरंतेण रत्तीए मओ साहुं सरंतओ । पुण्णेणं तस्स दाणस्स पुरे रायगिहे तओ ।।२०।।
१. ला० नमो सुयदेवयाए भगवईए । साम्प्रतं ।। २. ला. 'याउरि ॥ ३. सं० वा० सु० संपुन्ना ।। ४. ला० सल्लसा ॥ ५. ला० रुवाणि ॥ ६. ला० रोइरं ॥ ७. ला. 'मुट्ठिउं ॥ ८. ला. "त्तमोडियं॥ ९. पुण्यान्तरायकर्मभीतेन इत्यर्थः॥