Mulshuddhi Prakaranam Part 01

Author(s): Dharmdhurandharsuri, Amrutlal Bhojak
Publisher: Shrutnidhi

Page 308

सङ्गमकाख्यानकम्
२८५
जंपई 'पुत्त ! तं दटुं सेणिओ पुहईसरो । चउत्थं भूमिगं पत्तो तो आगच्छ खणंतरं' ।।७३ ।। जंपई सालिभद्दो वि अम्मो ! तं चेव जाणसि । अग्धं गिण्हाहि तो गंतुं किं करिस्सामहं तहिं ?' ७४। भद्दा पयंपई 'पुत्त ! न तं होइ कियाणयं । किंतु नीसेसलोयाण तुम्हऽम्हाण य सो पहू' ।।७५ ।। तं सोउं तक्खणं चेव विरत्तो चिंतए इमं । धी धी ! संसारवासस्स जत्थऽऽण्णो मज्झ वी पहू ॥७६॥ ता एवं दुक्खपउरेहिं भवभोगेहिं मे अलं । पव्वज्जामि जिणस्संते दिक्खं दुक्खविमोक्खणिं' ।।७७ । एवं संवेगपत्तो वि मायाए उवरोहओ । चंदो व्व तारयाजुत्तो उत्तिण्णो सो सभारिओ ।।७८।। सेणियस्संतियं पत्तो पणामं कुणई लहुं । नरिदेणाऽवि नेहेण निययंके निवेसिओ ।।७९ ।। अग्घाओ उत्तिमंगम्मि जाव तत्थ खणंतरं । चिट्ठई ताव अंसूणि मुयंतं नियपुत्तयं ।।८।। दटुं भद्दा पयंपेइ ‘देव ! एयं विसज्जह । जओ माणुस्समल्लाइगंधो एयस्स बाहइ ।।८१ ।। दिव्वाणुलेवणं मल्लगंधाईयं पणामइ । निच्चं जणयदेवो से सभज्जस्स मणोहरं' ।।८२।। तत्तो विसज्जिओ एसो गओ सत्तमभूमिगं । रण्णा वि जंपिया भद्दा 'गच्छामो नियमंदिरं' ।।८३।। विण्णत्तो निवई तीए ‘पसाओ देव ! कीरउ । अज्ज[आम्ह गिहे चेव भोयणेणं' तओ निवो ।।८४ ।। उवरोहगओ तीए पत्थणं पडिवज्जई । तओ भद्दाइ वक्केण दासचेडीओ तक्खणं ।।८५।। मयणिज्ज-हिणिज्जाइं दीवणिज्जाइं आणिउं । लक्खपागाइतेल्लाई पोत्तियं अप्पिउं तओ ।।८६। सुकुमालपाणिपाया दक्खा छेयंगमद्दया । अब्भंगयंति रायाणं परिवारसमण्णियं ।।८७।। रयणसोवाणपंतीसु जाव वावीसु मज्जए। राया ता देवजोगेणं कराओ पडियं जले ।।८८।। नाममुदं पलोएइ निवो संभंतलोयणो । तं दटुं भणई भद्दा दासचेडी 'हला ! इमं ।।८९।। नीरमन्नत्थ वावीए संकामेहि खणंतरे । जंतप्पओगओ सव्वं' तीए झत्ति तहा कयं ।।९।। नाणालंकारमज्झम्मि तमिंगालसरिच्छयं । पिच्छिउं पुच्छई चेडी 'किमेयं ?' विम्हयाउलो ।।९१।। तीए वि जंपियं 'देव ! निच्चं पक्खिप्पई इमं । निम्मल्लं सालिभद्दस्स सकलत्तस्स एत्थ उ' ।।९२॥ तं सोउं चिंतए राया 'पेच्छ पुण्णस्स अंतरं । अहं राया इमो भिच्चो भोगलच्छी पुणेरिसा ।।९३।। ता धण्णो सव्वहा एसो कयपुण्णो नरुत्तमो । सुलद्धं जीवियं जम्म माणुसत्तमिमस्स उ' ।।९४ ।। एवं च मज्जिउं भुत्तो णाणारससमण्णियं । विसिटुं भोयणं, पच्छा कयकिच्चो गिहं गओ ।।१५।। सालिभद्दो वि संसारविरत्तो जाव चिट्ठइ । ताव कल्लाणमित्तेणं आगंतूणं निवेइयं ।।९६।। ‘वद्धाविज्जसि तं सामि ! जओ एत्थेव पट्टणे । समोसढो वरुज्जाणे बहुसीससमण्णिओ ।।९७।। धम्मघोसो त्ति नामेणं सूरी गुणगणालओ । चउनाणेहिं संपन्नो नरा-ऽमरनमंसिओ ।।९८।।
१. ला० ता ॥ २. ला० तं ।। ३. ला० चिद्धि सं ॥ ४. ला० तो ॥ ५. ला० ज्जाई, दप्पणिज्जाणि आ॥ ६. ला. ज्जई ॥ ७. ला० भोगिड्ढी पुण एरिसा ॥ ८. सं० वा० सु० तो ॥