Mulshuddhi Prakaranam Part 01

Author(s): Dharmdhurandharsuri, Amrutlal Bhojak
Publisher: Shrutnidhi

Page 302

द्रोणकाख्यानकम्
मंत विसोच्चि मह भत्ता दिज्ज' जंपिउं एवं । तत्तोरणेगदेसे निबद्धओ पासओ तीए ।। ३६ । नसिउं सिरोहरं तत्थ अप्पयं जाव सा पवाहेइ । ताव सहस त्ति धरिया वसंतदेवेण निग्गंतुं ।।
२७९
सा वि तं दहूण 'कहं सो चेव एसो समागओ ?' त्ति जाव ससज्झसा चिंतेइ ताव भणिया वसंतदेवेण ‘सुंदरि ! अलं चिंताए सो चेवाहं तुज्झ हिययदइओ तुहहरणनिमित्तं पुव्वमेव समत्तो एत्थ पविट्ठो, ता समप्पेहि एयस्स मम मित्तस्स नियवेसं, गिण्हाहि य तुममेयस्स संतियं जेण वच्चइ एसो तुह कुलघरं ' ति । तओ सुंदरमेयं ति हरिसियाए समप्पिओ तस्स नियवेसो । कामपालो वि पूजिऊण कामदेवं काऊण पलंबमंगुट्ठि निग्गओ, निग्गच्छंतस्स य गहिया पियंकरियाए पत्ती । समारूढो जंपा । समुक्खित्तं बाहगेहिं । तओ वज्जंतेहिं मंगलतूरेहिं गओ पंचनंदिगहे । नीओ पियंकरियाए माइहरयं । निवेसिऊण भणियं 'पियसंहि ! एवं चेव इट्ठविसिट्ठपियसमागममंतं परिजवंती चिट्ठसु' । त्ति भणिऊण पओयणंतरेण निग्गया पियंकरिया ।
एत्थंतरम्मि य संखउरनिवासिनिमंतियागयसयणजणेण सह समागया केसराए माउलदुहिया इरा नाम कण्णया । सा य केसरादंसणत्थं पविट्ठा माइहरए । निविट्ठा कामपालसमीवे, भणियं च णाए, अवि य—
'माकुणसु भगिणि ! खेयं, सकम्मवसया जिया ओ सव्वे । पुव्वकयकम्मदोसा दुहाई पावेंति संसारे ॥३८॥
जं जेण पावियव्वं सुहमसुहं वा इमम्मि संसारे । पुव्वकयकम्मवसओ तं सो पावेइ नियमेण ।। ३९ ।। सविवेयनिव्विवेयाण अंतरं एत्तियं तु सविवेया । भाविंति भवसरूवं इयरे असमंजसपलावी ।। ४० ।। संखउरे चेव इमो वसंतदेवाणुरायवृत्तंतो । कारणगयाए कहिओ तुज्झ सहीए मह असेसो ।।४१।। ता उज्झिऊण सोयं गुरुजणअणुवत्तणं कुणुसु भगिणि ! | विहिणा निडाललिहियं, जमेइ सम्मं तयं सहसु ॥ ४२ ॥
मज्झ पुण दारुणतरो वुत्तंतो भगिणि! तुह सयासाओ । गुरुजणदुक्खभएणं तह वि हु धारेमि हं पाणे |४३| जम्हा हु संखपालस्स भयवओ पुरजणेण जत्ताए । पारद्धाए अहं पि हु विणिग्गयासहियणसमेया ।४४| सहयारवीहिमज्झे उज्जाणे जाव विविहकीलाहिं । कीलामि ताव दिट्ठो कोइ जुवा नाऽइदूरम्मि ।। ४५ ।। मयणो व्व विग्गहधरो तं पड़ जाओ दढोऽणुरागो मे । सो वि अणुरायवसओ पुणो पुणो मं पलोएइ ।। ४६ । निययसहीहत्थम्मि य तंबोलो तस्स तो मए पहिओ ।
तेण वि गहिओ, न हु ताण जाव वयणक्कमो होइ ॥ ४७ ॥
ता उम्मिट्ठीहूओ मत्तकरी तेण अद्धगहिया हं । जा ताव तेण हत्थी पहओ लउडेण पट्ठीए ।।४८ ।।
१. ला० पूइऊ' ॥ २. सं० वा० सु० 'सहि ! तं चैव ॥ ३. सं० वा० सु० 'या परियण ॥