Mulshuddhi Prakaranam Part 01

Author(s): Dharmdhurandharsuri, Amrutlal Bhojak
Publisher: Shrutnidhi

Page 290

चन्दनार्याकथानकम्
२६७
तत्तियमित्तेणं चिय किं न ठिओ ? जं पुणो इमस्साहं । अइकूरकम्मपुरिसस्स हंदि वसवत्तिणी विहिया ।।२।। हा निद्दयविहि ! संपइ न मुणसि किं निच्छयं महमणस्स ? । जं सीलखंडणम्मि वि धणियं अब्भुजओ जाओ।। ता किं च इमो पावो बला वि मह सीलखंडणं काही ? ।
बाला इमा वराई लहिही किं वा वि हु अणत्थं ?।।४।। कुलगेहअसंपत्ती पईविरह(ह) सीलभंगसवणं च । धूयाविक्किणणं चिय चिंतेती सा मया झत्ति ।।५। तो तीइ अयंडे च्चिय तं मरणं पेच्छिऊण तेण तओ । अइकोमलवयणेहिं बहूहिं संठाविया बाला ।।६।।
___ एवं च कमेण पत्तो कोसंबीए । तिणाणि सीसे दाऊण विक्किणणत्थं समोयारिया हट्टमग्गे । दिट्ठा य धणावहाहिहाणेण सेट्ठिणा, चिंतियं च 'अहो ! कण्णयाए आगीई, ता भवियव्वं महाकुलुप्पण्णाए इमाए, ता गिण्हामि एवं जेण मह एईए जणएण सह [संबंधो भवई'त्ति । दाऊण मोल्लं गहिया । समप्पिया मूलाहिहाणाए नियभारियाए धूयापडिवत्तीए सुहेण चिट्ठइ । अइसिसिरसीयलसहावत्तणओ य चंदणबाल त्ति से बीयं नाम संजायं । एत्थंनम्मि य समारूढा एसा जोव्वणं, अवि य
अइसरसकोमलाइं जायाइं तीइ अंगमंगाई । कामुयजणमोहणकारया य अद्धगया सिहिणो(णा) ।।७।। पडिपुण्णचंदमंडलतुल्लं वयणं मणोहरं सहइ । लावण्ण-वण्ण-कंती-रूयाई अणण्णसरिसाइं ।।८।। मयरद्धयनरवइमंदिरम्मि नवजोवणे वि वटुंती । जोव्वणवियाररहिया सुहेण सा चिट्ठए तत्थ ।।९।।
___ अण्णया कयाइ घम्माऽऽयवसंतत्तगत्तो अहियं परिस्संतो पस्सेयजलाविलनिस्सहसरीरो बाहिराओ समागओ सेट्ठी । दिट्ठो य चंदणाए । तओ तहाविहमन्नमपेच्छमाणी चलणसोयं घेत्तूण उवट्ठिया । 'धूय'त्ति काऊण न निवारिया सेट्ठिया । तओ अहिजायत्तणओ सरीरस्स, विणीयविणयत्तणओ सहावस्स, जोव्वणारंभारियत्तणओ अंगाणं, अच्चायरेण चलणे सोयमाणीए छुट्टो कुंतलकलावो, कद्दमोवरिनिवडमाणो य धरिओ सेट्ठिणा लीलालट्ठीए । दिठ्ठो य उवरिमतलट्ठियाए मूलाए । चिंतिउं च पवत्ता- --- 'अहह ! कह पेच्छ एसो मूढो धूयं पवज्जिउं एयं । अइरागमोहियमणो करेइ एवंविहं चेहँ ? ।।१०।। अहवा एयाएसुं(ईसं) जोव्वण-लावण्ण-रूव सोहगं। दळूण मुणी वि दढं मयणेण परव्वसो होइ ।।११।
१. सं० वा० सु० 'इदुक्खं ॥ २. सं० वा० सु० विक्कणणं ॥ ३. सं० वा० सु० यं हा कण्ण' ॥ ४. ला० से जायं बिइयनामं ॥ एत्थं ॥ ५. ला० रूवाइ अ॥ ६. सं० वा० सु० व्वणम्मि वट्ट ॥ ७. ला० या य क' || ८. ला० 'ट्ठो चंद ॥ ९. मुपा० अहियजा' || १०. ला० अहवा एसुं जोव्वं ॥