________________
૧
આપણું સુખ આપણે જ મેળવવાનું છે.
શ્રી જૈન શાસનનો કથાવિભાગ પણ આત્મકલ્યાણ માટે જ છે રામાયણના આ વૃત્તાન્તોને જાણીને આપણે શો બોધ લેવો જોઈએ ? અને આપણા જીવન પર આ વૃત્તાન્તોના શ્રવણની કેવી અસર ઉપજવી જોઈએ ? એનો પણ આપણે પ્રસંગે પ્રસંગે કેટલોક વિચાર કરી લીધો છે. કથા દ્વારા પણ આત્મકલ્યાણકારી તત્ત્વોના રસનું પાન કરાવવું, એ જ આ કથા વાંચનનો હેતુ છે. શ્રી જૈનશાસનનો કથા વિભાગ પણ આત્મકલ્યાણ માટે જ યોજાયો છે. લખનારનું, વાંચનારનું અને સાંભળનારનું આત્મકલ્યાણ થાય, એજ હેતુથી જીવન વૃત્તાન્તો આદિ સંબંધી કથાઓ શ્રી જૈનશાસનમાં લખાઈ છે. આ ઉદ્દેશ કલ્યાણના અર્થો એવા ઉપદેષ્ટા અને શ્રોતા-ઉભયની આંખ સામે જ રહેવો જોઈએ.
આ ઉદ્દેશને પોતાને માટે સિદ્ધ કરવો હોય, તો વાંચનારે અને સાંભળનારે લાયકાત કેળવવી જોઈએ. વાંચતા કે સાંભળતા આમાં ઉપાદેય શું, જ્ઞેય શું અને હેય શું ? - એ સમજવાની પૂરી ચીવટ રાખવી જોઈએ. કથાઓ વાંચીને કે સાંભળીને ઉન્માર્ગે ન દોરાવું અને સન્માર્ગમાં સુસ્થિર બન્ને જવું, એ જો કે, શ્રદ્ધાસંપન્ન સમજું આત્માઓ માટે મુશ્કેલ નથી, પરંતુ પોતાની તથા પરમઉપકારી જ્ઞાનીઓની વિવેકબુદ્ધિ તરફ બેદરકાર બનનારાઓ તો, કથાવાંચન કે કથાશ્રવણ પ્રસંગે સહેજે ઉન્માર્ગે દોરાઈ જાય છે.
..આપણું સુખ આપણે જ મેળવવાનું છે..
............
3
»
