________________
આપણું સુખ આપણે જ મેળવવાનું છે.
૧
‘સુખ’ આત્માનો પોતાનો સ્વભાવ છે. આત્મકલ્યાણમાં જ સુખ સમાયેલું છે. સંસારી જીવ જેને સુખ તરીકે માને છે તે તો દુ:ખ જ છે. જૈનશાસનમાં જે કાંઈ કરવાનું છે તે આત્મકલ્યાણ માટે જ છે, એટલે જૈનશાસનનો કથાવિભાગ પણ આત્મકલ્યાણ માટે જ છે એ વાતનું પ્રતિપાદન કરીને આ પ્રકરણમાં જીવનધ્યેય તરીકે આત્મકલ્યાણ બતાવીને ત્રેસઠ શલાકાપુરુષો અંગેની વિશદ વિચારણા રજૂ કરી છે. અને તેઓને વધારેમાં વધારે અર્ધપુદ્ગલ પરાવર્તનમાં મોક્ષે જનારા બતાવ્યા છે.
શ્રી રામ-લક્ષ્મણ એક જ પિતાના સંતાન છતાંય શ્રી લક્ષ્મણજી નરકે જાય તેમાં ભવિતવ્યતાને કારણ તરીકે
બતાવીને માર્ગદર્શક-પ્રેરક કે સહાયક ગમે તેટલા હોય કે ન હોય પણ આપણું સુખ આપણે જ મેળવવાનું છે. તે વાતને દર્શાવવામાં આવી છે.
-શ્રી
