Jai Jiya Kappo

Author(s): Labhsagar
Publisher: Agamoddharak Granthmala

Page 17

यति-जीतकल्पे प्राप्तेषणीयेन चतुर्थवेलायामनेषणीयं ग्राह्यमित्येवं व्यापारमकृत्वैव प्रथमद्वित्रिवेलास्वप्यमेषणीयं गृह्णाति स तथा / 8 / निरनुतापी-अपश्चात्तापी, यः साधुरपवादेनापि पृथिव्यादीनां सङ्घट्टनपरितापनोपद्रवान् कृत्वा नानुतप्यते / यथा हा ! मया दुष्ठु कृतमिति / यस्तु दर्पणाप्यासेव्य नानुतप्यते किं तस्य उच्यते / / 9 / निश्शङ्को-निरपेक्षः, अकार्यं कुर्वन् कस्याप्योचार्यादेर्नाऽऽशङ्कते नेहलोकस्यापि बिभेतीत्यर्थः / 10 / एषा दपिका प्रथमा प्रतिसेवना / द्वितीया कल्पिका प्रतिसेवना चतुर्विशतिधा / तद्यथा 'दसणनाणचरित्ते तव-पवयण-समिइ-गुत्तिहेउं वा / साहम्मिअवच्छल्ल-तणेण कुलओ गणस्सावि // 1 // संघस्सायरिअस्स य असहस्स गिलाण बालवुड्ढस्स / उदयग्गिचोरसावय भयकंतारावई वसणे . // 2 // ‘दसण 'त्ति / दर्शनप्रभावकानि प्रमाणशास्त्राणि प्रमेयरत्नकोशादीनि गृह्णन्नसंस्तरे अकल्प्यमपि यतनया प्रतिसेवमानः शुद्धोऽप्रायश्चित्त इत्यर्थः / 1 / 'नाण 'त्ति / ज्ञाननिमित्तं सूत्रमर्थं वाऽधीयन्नसंस्तरे अकल्याऽऽसेव्यपि शुद्धः / 3 / ' चरित्ते त्ति / यत्र क्षेत्र एषणादोषः स्त्रीदोषो वा ततः क्षेत्राचारित्रार्थिना निर्गन्तव्यं, निर्गच्छंश्चाक्षमत्वादकल्प्याऽऽसेव्यपि शुद्धः / 3 / 'तवे 'त्ति / तपः करिष्यामीति घृतादि पिबेत् , कृते वा विकृष्टतपसि मासक्षपणादौ पारणके लाजातरणादि पिबेत्, तीर्यत इवास्यामतिस्वच्छतयेत्यधिकरणे अनटि तरणं लाजा-भृष्टा ब्रीहयस्तैर्निवृत्तं तरणं लाजातरणम् उपचारात् पेयाऽभिधीयते तां पिबेत् / यद्वा-आधाकर्मादि तस्मै दद्यात् माऽन्येन शीतान्नादिना रोगोऽभूत, शकंराऽऽमलकादयो वाऽस्य यतनया पारणके दीयन्ते, परं शुद्धः / 4 / 'पवयण 'त्ति / प्रवचनार्थ किञ्चित् प्रतिसेवमानः शुद्धः / यथा कोऽपि राजादिर्भणेत् मम विषयान्निर्गच्छतेति / ततस्तद्दण्डार्थमुपक्रमते / यथा विष्णुकुमारमुनिना लक्षयोजनप्रमाणं शरीरं कृतं लवणोदधिश्चलनाभ्यामालोडितः / 5 / 'समिइ 'त्ति / समितिहेतोः ईर्यासमितिर्न शुद्धथतीति चक्षुनिमित्तं वैद्योपदेशादौषधादिपानं कुर्यात् / कथमपि चित्तव्याक्षेपादिसम्भवे मा भाषासमितावसमितो भूवमिति तत्प्रशमनार्थमौषधादि पिबेत् / एषणासमित्यै कदाचिदसंस्तरेऽनेषणीयमपि गृह्णीयात् / एषणादोषेषु वा शङ्कितादिषु सत्स्वसंस्तरे गृह्णीयात् / दीर्घाऽध्वप्रतिपत्तौ वाऽध्वकल्पं प्रतिसेवेत् / अयं भावार्थः-सम्प्रत्यल्पदोषमिदमनाददानः पश्चाद् ग्लानत्वादिभावे माऽऽधाकर्मादि बादरमनेषणीयं ग्रहीषम् / आदाननिक्षेपसमित्यै कश्चित् कम्पवातादिना कम्पमानकरोऽन्यत्र प्रमार्जयत्यन्यत्र वस्तु निक्षिपत्यतस्तत्प्रशमनार्थमौषधादि विदध्यात् / पारिष्ठापनिकासमित्यै स्थण्डिलाभावे कायिकी संज्ञा वा कदाचिदक्षमतया पृथिव्यादीन् विराधयन्नपि कुर्वीत, मा ममेदानी कायिक्याद्याबाधया मृत्युर्भूत् / जीवन् पुनरिमां समितिं यथावस्थितां पालयिष्यामीति / 6 / 'गुत्तिहेउं वा' गुप्तिहेतोः कदाचिद् विषमातङ्कादौ अनन्यौषधसाध्ये वैद्योपदिष्ठं विकटं स्वल्पमेवाऽऽसेवते / माऽहं वैकल्यान् मनोवाकायैरगुप्तो भूवमिति / 7 / साधर्मिकवात्सल्यमाश्रित्य किञ्चिदकल्प्यं प्रतिसेवेत / यथा आर्यवैरिस्वामिभिरशिखाकमुण्डः पटेऽधिरोप्य दुर्भिक्षानिस्तारितः / न चैतत्कत्तुं कल्पते साधूनां / यदुक्तं 'तहेवाऽसंजयं धीरो आस एहि करेहि वा / सयं चिट्ठ वयाहित्ति मेवं भासिज्ज पण्णव // ' मिति / 8 / कुलगणसङ्गकार्येषु समुत्पन्नेषु वशीकरणोच्चाटनाभिचारादीनि राजादिकमुद्दिश्य प्रयुक्ते, चूर्णयोगादीन् वा करोति / 11 / आचार्या-ऽसहिष्णु-ग्लोन-बाल-वृद्धादीनां च येन समाधिर्भवति तत्कार्यम् / तत्र राजयुवराजाऽमात्यप्रेष्ठिपुरोहिता असहिष्णवः पुरुषा भण्यन्ते / एते हि अन्तप्रान्त