Jai Jiya Kappo

Author(s): Labhsagar
Publisher: Agamoddharak Granthmala

Page 91

यति-जीतकल्पे बालस्य मार्जारादिभ्यो विनाशसम्भवात् / निक्षिप्यमाणस्योत्क्षिप्यमाणस्य चातिसुकुमारत्वेन परितापनासम्भवात् 15 / अग्रेतनगाथास्थितो याशब्दोऽत्र प्रत्येकमभिसम्बध्यते / ततश्च या काचिन्महिला खण्डयति-उदूखलक्षिप्तानि शाल्यादिबीजानि मुसलघातः श्लक्ष्णीकरोतीत्यर्थः। तया दीयमाना भिक्षा न ग्राह्या / बोजसङ्घट्टनोद्यारम्भसम्भवात् 56 / तथा पिनष्टि-शिलायां तिलामलककुस्तुम्बुरुलवणजीरकादि मृद्नातीति आवः / अनयापि दीयमानं न कल्पते, तिलादिसङ्घट्टनसद्भावात 17 / तथा भृजति-चनकयवगोधूमादीन् अग्निप्रतप्तकडिल्लकादौ स्फोटयतीत्यर्थः / तया दीयमानं न कल्पते, कडिल्लकादिप्रक्षिप्तस्य तस्य चनकादेर्दाहसम्भवात् 18 / तथा जेमति-भुङ्क्तेऽभ्यवहरतीत्यर्थः / भुञ्जाना हि आचमनं विधाय यदि साधुभ्यो दद्यात् तदाऽप्कायविराधना / अथैतद्दोषभयात्तदकृत्वैव वितरेत् तदोच्छिष्टमप्येते न त्यजन्तीत्यादिजनाऽपवादः स्यात् / तत्र च महान् दोषः / यदाह ___'छक्कायदयावंतो वि संजओ दुल्हं कुणइ बोहिं / आहारे निहारे दुगुंछिए पिंडगहणे वि' / इत्यतो न कल्पते 19 / तथा विरोलयति-करमन्थानादिना दध्यादिकं मध्नाति / सा हि संसक्तदध्यादिलिप्तकरा भिक्षां ददती सत्त्ववधं विदध्यादिति न गृह्यते 20 / तथा दलति-सजीवं-सचित्तं गोधूमादिधान्यं घरट्रेन पिनष्टि / इयं हि भिक्षादानायोत्तिष्ठन्ती बोजानि सङ्घट्टयति, दत्त्वा च करौ प्रक्षालयतीति न गृह्यते 21 / तथा या काचिन्नारी साधुदानायोद्यता सती मूलस्थालीतः समाकृष्य स्थगनिकादौ बलिमुपहारमग्रकूरमित्यर्थः स्थापयति तया दीयमाना भिक्षा न कल्पते, प्रवर्तनादिदोषसम्भवात् 22 / तथा उद्वर्त्तयति-साधुदानबुद्ध था परावर्तयति पिठरादि स्थाल्यादि नमयतीत्यर्थः / अत्र च कीटिकादिसत्त्वोपघातः स्यात् 23 / तथा त्रिधा-ऊर्ध्वाऽधस्तिर्यग्लक्षणैत्रिभिः प्रकारैः सप्रत्यपायकोष्ठकण्टकगवादिभ्यः सकाशात् सम्भाव्यमानाभिघाताद्यना या काचिद् वनिता स्यात् / ‘तहा सपञ्चवाया जा' इति पाठे तु, तथा सप्रत्यपाया या दात्री कूलवालकमुनिव्रतत्याजयित्री मागधिकावेश्येव शाकिन्यादि / तया दीयमानं न कल्पते 24 / तथा साधारणं-बह्वायत्तं तद्ददातीति योगः। तत्र साधारणानिसृष्टवदोषी वोच्याः 25 / तथा चोरितकं-चौरिकया गृहीतं साधुभ्यो ददाति / तत्र च दोषाः प्रतीता एव 26 / तथा पाराक्यं-परसत्कं परकीयमिदमित्युक्त्वा ददाति / अथवा परार्थ-परनिमित्तं कार्पटिकादिदानाय कल्पितमित्यर्थः / तद्ददाति / अत्र च परसत्के तत् स्वोमिनाऽननुज्ञाते, परदानाय कल्पिते च दीयमाने अदत्तादानान्तरायादयो दोषाः 27 / अर्थतेषु दायकेषु ददानेषु भिक्षां गृह्णानस्य साधोः प्रायश्चित्तमाहदितेसु एसु चउलहु चउगुरु पगलंत पाउआरूढे / कत्तइ लोढइ पिंजइ विक्खिणइ मद्दए अ मासलहु / / व्याख्या-एतेषु सप्तविंशतिसङ्ख्येषु दायकेषु भिक्षां ददत्सु गृहीतुः साधोश्चतुर्लघु प्रायश्चित्तं भवति / तथा प्रगलन् गलत्कुष्ठः, ततो भिक्षाग्रहणे हि साधोरपि कुष्ठरोगसङ्क्रान्तिः स्यात् तदीयोच्छवासत्वक्संस्पर्शस्वेदमलमूत्रोच्चाराहारलालादिभिः शरीरान्तरे तत् सङ्क्रमणस्याभिहितत्वात् ततो न ग्राह्या। तथा पादुकारूढः-काष्ठादिमयोपानत्समारूढः / स हि भिक्षां प्रयच्छन् दुर्व्यवस्थितत्वात् कदाचित् पतति, कीटिकादिसत्त्वविराधनां च करोतीत्यतोऽसावपि परिहियते / अनयोर्दायकयोर्भिक्षां ददानयोर्गलानस्य साधोश्चतुर्गुरु प्रायश्चित्तं स्यात् / तथा या कर्त्तयति-रूतं सच्चक्रेण सूत्रं करोति / तथा लोढयति कार्पासं लोढिन्यां कनकेत निरस्थिकं करोतीत्यर्थः / तथा पिञ्जयति-रूतं पिञ्जनेन मृदूकरोति / तथा विक्खिण