Jai Jiya Kappo

Author(s): Labhsagar
Publisher: Agamoddharak Granthmala

Page 94

लिप्तदोषप्रायश्चित्तम् बीजापरिणते-अपरिणतानि-अप्रासुकानि यानि प्रत्येकानन्तवनस्पतिबीजानि तेषां ग्रणे पञ्चक-प्रथमप्रायश्चित्तमित्यर्थः / मिश्रषट्कायापरिणतदोषे / मिश्राः-सचित्ताऽचित्तरूपा ये षट कायाः-पृथिव्यादयः तानाश्रित्यापरिणतदोषे अप्रासुकीभूतमिश्रषटकायग्रहणे इत्यर्थः। लघुमासं प्रायश्चित्तमुक्तवन्तः तीर्थकरगणधराः / सचित्तणतकाए अपरिणए चउगुरुं मुणेअव्वं / मीसाणंतपरिणए गुरुमासो भासिओ गुरुणा // 160 // व्याख्या-सचित्तः-सजीवो योऽनन्तकायः तस्मिन्नपरिणते-अप्रोसुके गृहीते चतुर्गुरु प्रायश्चित्तं मुणितव्य-ज्ञातव्यम् / मिश्रः-सचित्ताचित्तरूपो योऽनन्तकायः तस्मिन्नपरिणते गृहीते गुरुमासो भाषितःप्रतिपादितो गुरुणा-जगद्गुरुणा जिनेन इति / अपरिणतदोषप्रायश्चित्तमभिधाय लिप्तदोषप्रायश्चित्तमाहचउलहुअं लहइ मुणी लित्ते दहिमाइलित्तकरमत्ते / छड्डिअमिह पुढवाइसु अणंतरपरंपरंति दुहा / / ___ व्याख्या-इह दधिक्षीरघृततैलतीमनप्रभृतिद्रव्यस्य यस्य लेपः करभाजनादौ लगति तल्लेपकृत्लिप्तमुच्यते / तच्च कारणं विना न ग्राह्यम् / यदाह 'चित्तव्वमलेवकडं लेवकडमाहु पच्छकम्माई / न य रसगेहिपसंगो न य भुत्ते बंभपीडा य' / / इह साधुना सदैवाऽलेपकृद वल्लचणककुल्माषशुष्कोदनादि गृहीतव्यं, मा भूवन् लेपकृति गृह्यमाणे पश्चात्कर्मादयो दोषा दध्यादिलिप्तहस्तादिक्षालनादिरूपाः / न च सदैवाऽलेपकृग्रहणे रसगृद्धिप्रसङ्गोरसाऽभ्यवहारलाम्पट-यवृद्धिः / न च तादृशे भुक्ते ब्रह्मपीडा-ब्रह्मव्रतस्य बाधा, तादृशस्य नीरसाहारस्य दोत्पादकत्वाभावात् / अत्राह नोदको-ननु यदि लेपकृद्ग्रहणे पश्चात्कर्मप्रभृतयो दोषी भवन्ति ततः तन्न गृह्यते, तर्हि मा कदाचनापि साधुर्मुक्ताम् / एवं हि सर्वेषां दोषाणां मूलत एवोत्थानं निषिद्धं भवति / गुरुराह-सर्वकालं क्षपणमेव कुर्वतः साधोश्चिरकालभावितपोनियमसंयमानां हानिर्भवति, तस्मा• द्यावज्जोवं क्षपणं न कार्यम् / पुनः प्राह-यदि सर्वकालं क्षपणं कर्तुमशक्तः तर्हि षण्मासक्षपणं कृत्वा पारणकमलेपकृता विधत्ताम् / गुरुराह-यद्येवं तपः कुर्वन् संयमयोगान् कतुं शक्नोति तर्हि करोतु, न कोऽपि तस्य निषेद्धा। पुनरप्याह-यदि षण्मासक्षपणं कर्तुं न शक्नोति तर्हि एकदिनोनं षण्मासक्षपणं कृत्वा आचाम्लेन पारयतु / एवमेकैकदिनहान्या तावदात्मानं तोलयेत् यावच्चतुर्थं कृत्वा आचाम्लेन पारणकं करोतु / एवमप्यसामर्थ्य दिवसे दिवसे गृह्णात्वाचाम्लं निर्लेपम् / गुरुराह-करोत्वेवं तपः यदि प्रत्युपेक्षणादिसंयमयोगभ्रंशो न भवति / केवलं सम्प्रति सेवार्तसंहननानां नास्ति ताहशी शक्तिरिति न तथोपदेशो विधीयते / पुनः परः प्राह-ननु महाराष्ट्राः कोशलदेशोद्भवाः सदैव सौवीरकूरमात्रभोजिनः तेऽपि च सेवार्त्तसंहननाः। ततो यदि तेऽपीत्थं यापयन्ति यावज्जीवं तर्हि तथा सौवीरकूरमात्रभोजनेन किं न यतयो मोक्षगमनैकबद्धकक्षा यापयन्ति ? तैः सुतरामेवं यापनीयं प्रभूतगुणसम्भवात् / गुरुराह 'तिअ सीअं समणाणं तिअमुण्ह गिहीण तेणणुन्नायं / तक्काइणं गहणं कट्टरमाइसु भइअव्व ' / त्रिकं-वस्तुत्रयं श्रमणानां शीतं भवति, तेन प्रतिदिवसमाचाम्लकरणे तक्राद्यभावत आहारपाकासम्भवेनाsजीर्णादयो दोषाः प्रादुःष्यन्ति / तदेव त्रिकमुष्णं गृहिणां, तेन सौवीरकूरमात्रभोजनेऽपि तेषामाहारपाक