Book Title: Jai Jiya Kappo
Author(s): Labhsagar
Publisher: Agamoddharak Granthmala
View full book text
________________ 122 यति जीतकल्पे सीअलच्छायठितो अच्छइ / तइओ गिहा निग्गंतु गामे चेव देवकुलादिसु जूआदिपमत्तो चिति / चउत्थो गिहे चेव किंचि वायारं करितो चिट्ठति / अन्नया तेसिं पिता मतो। ताण जं पितिसंतिअं किंचि दव्वं खित्ते वा उत्पन्नं तं सव्वं समभागेण भवति / इआणि दिटुंतोवसंहारो / पच्छद्धं / कुटुंबीसमा तित्थगरा / भावतो खित्तं सिद्धी / पढमपुत्तसमा मासकप्पविहारी उज्जमंता / बितिअपुत्तसमा नियतवासी / तइअपुत्तसमा पासत्था / चउत्थपुत्तसमा सावगधम्मद्विता गिहिणो / पितिसंतिअं दव्वं नाणदसणचरित्ता / जं च तुम्भे खित्तं पडुच्च दुक्करं किरिअकलावं करेह / तं सव्वं अम्ह निअतादि भावटिआणं सुहेण चेव सामण्णं / एसो अहाच्छंदो / अह पासत्थो दुविहो खलु पासत्थो देसे सव्वे अ होइ नायव्यो / सव्वे तिन्नि विगप्पा देसे सिज्जायरकुलादी / / दुविहो पासत्थो देसे सव्वे अ / सव्वहा जो पासत्थो सो तिविहो / देसेण जो पासत्थो सो सिंज्जायर पिंडभोइमादी अणेगविहो / पासत्यनिरुत्तं इमं सव्वदेसभेएणं भन्नति / दसणनाणचरित्ते तवे अ अत्ताहितो पवयणे अ / तेसिं पासविहारी पासत्थं तं विआणोहि // दसणादिआ पसिद्धा / पवयणं चाउवन्नो समणसंघो / अत्ता-आत्मा संधिपयोगेण आभियोगेण आहितोआरोपितः स्थापितः जेहिं साहुहिं / उज्जुत्तविहारिण इत्यर्थः / तेसिं साधूणं पासबिहारी जो सो एवं. विधो पासत्थो पवयणं पड्डुच्च, जम्हा साहुसाहुणि-सावगसाविगासु एगपखेवि न निक्डइ तम्हा पवयणं पइ तेसि पासविहारी / अहवा दंसणादिसु अत्ता अहिओ जस्स सो अत्ताहितो दर्शनादीनां विराधक इत्यर्थः। जम्हा सो विराधको तम्हा तेसिं दसणादीणं पासविहारी पासत्थो। तिविधभेदो भण्णति / दसणनाणचरित्ते सत्थो अच्छइ तहिं न उज्जमति / एएण उ पासत्थो एसो अन्नोवि पज्जाओ। सत्थो अच्छइ त्ति / सुत्तपोरिसिं वा अत्थपोरिसिं वा न करेइ नोद्यमते / दसणाइआरेसु वट्टइ / चारित्ते न वट्टति / अइआरे वा न वज्जेइ / एवं सत्थो अच्छइ / तेन पासत्थो अन्यः पर्यायः / अन्यो व्याख्या प्रकारः / अहवा ___ पासोत्ति बंधणंति अ एगट्ठ बंधहेतवो पासो। पासद्विअ पासत्थो एसो अन्नोवि पज्जाओ / / पासो वा वंधणो त्ति वा एगळं / एए पया दोवि एगठ्ठा / वंधस्स हेऊ अविरतमादी ते पासा भण्णंति / तेसु पासेसु ठिओ पासत्थो / सव्वपासत्थो गतो / इमो देसपासत्थो-.. 'सिज्जातर कुलनिस्सिअ ठवणाकुल पलोअणा अमिहडे अ / पुाव्वपच्छासंथुअ निअअग्गपिंडभोती अ पासत्थो।। सिज्जातरपिंडं भुजनि / सड्ढाइकुलनिस्साए विहरति / ठवणकुलाणि वा निक्कारणे पविसति / संखडिं पलोएति देहं वो पलोएइ आदंसादिसु वो / अभिहडं गिण्हइ भुजति अ / सयणं पडुच्च मातापितादिअं पुव्वं संथवं करेति / पच्छा संथवं वा सासुप्तसुरादिअं / दाणं वा पडुच्च अदिण्णे पुश्वसंथवो दिण्णे पच्छा संथवो, निअयं निञ्च निमंतणे निकाएति / जइ दिणे दाहिसि अग्गकूरो तं गिण्हइ भुजइ अ / एवमादिएसु अववादपदेसु वटुंतो देसपासत्थो भवति / अथ कुत्सितशील:-कुत्सितेषु शीलं करोतोति कुशीलः / तस्य चेदं स्वरूपमू
Page Navigation
1 ... 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182