________________
જ્ઞાયક સ્વરૂપ પ્રકાશન સહિત છું-પરિણામથી સહિત છું, રાગથી સહિત છું તેથી રાગને હું કરું છું-રાગને હું કરું છું. આહાહા !
તું કોણ છો? તું તો જ્ઞાતા છો ને પ્રભુ! રાગને કરે તેને આત્મા કહેતા નથી. આહાહાહા ! માટે પર્યાયથી સહિતનો પક્ષ અનાદિકાળનો છે તે વ્યવહારનો પક્ષ છે પણ પર્યાયમાત્રથી મારો આત્મા ભિન્ન છે. હું તો અકર્તા જ્ઞાતા છું તે પક્ષમાં અંતરથી આવવું જોઈએ. ગુરુદેવ કહે છે કે ધારણાથી નહિ, શાસ્ત્રથી નહિ. એ વાત તેને અંતરથી હૂરવી જોઈએ જેને હૈયા ઉકેલ કહેવામાં આવે છે. ગુરુદેવનો શબ્દ છે અંદરથી ફૂરણા થાય છે. અંદરથી સ્ટ્રાઈક થઈ જાય છે કે, ઓહો! મારો ભગવાન આત્મા તો પર્યાયથી ભિન્ન છે તે કારણે પરિણામનો કર્તા નથી પણ પરિણામનો કથંચિત્ જ્ઞાતા છું પણ સર્વથા એનો જ્ઞાતા નથી. સર્વથા જ્ઞાતા તો જ્ઞાયકનો છું અને જે પરિણામ થાય તેને જાણવું તેવો મારો સ્વભાવ છે પણ કરવું મારો સ્વભાવ નથી. કોઈ પર્યાયને આત્મા કરે તેવો આત્માનો સ્વભાવ નથી. પર્યાયની જન્મક્ષણ છે. સ્વઅવસરે પર્યાય પ્રગટ થાય છે. આત્મા તેનો ઉત્પાદક નથી. આહાહા ! તે અશુદ્ધ ઉપાદાનથી ભાવ કર્મ પ્રગટ થાય છે અને શુદ્ધ ઉપાદાનથી સંવર, નિર્જરા, મોક્ષની પર્યાય પ્રગટ થાય છે. પણ ત્રિકાળી શુદ્ધ ઉપાદાન ભગવાન આત્મા અકારક, અવેદક, જ્ઞાયકજ્ઞાતા એવો ને એવો અંદરમાં બિરાજમાન છે.
આજે દીવાળીને દિવસે ભગવાન મહાવીરનો નિર્વાણનો દિવસ છે. નિર્વાણ કલ્યાણકપાંચ કલ્યાણક છે ને? ગર્ભ કલ્યાણક, જન્મ કલ્યાણક, દીક્ષા કલ્યાણક, કેવળ કલ્યાણક અને નિર્વાણ કલ્યાણક. આજે નિર્વાણનો દિવસ છે. આજે ભગવાન મહાવીર સિદ્ધ પરમાત્મા થયા. અરિહંતમાંથી સિદ્ધ થઈ ગયા. અરિહંત હતા પણ હવે આજે સિદ્ધ પરમાત્મા થયા. સમશ્રેણીએ પાવાપુરીથી આજના દિવસે ભગવાન મહાવીર સિદ્ધદશાને પામ્યા. તેની ખુશાલીમાં જગત દીવા પ્રગટાવે છે. આ દીવાળીનો દિવસ છે. ભગવાન મહાવીરનો નિર્વાણનો ઉત્સવ છે. આજે લાડુ ચડાવે છે. ભાઈએ કહ્યું કે લાડુ વિશે જણાવો મેં કહ્યું તે વિશે કાંઈ જાણતો નથી.
મુ. ખીમચંદભાઈ યાદ આવ્યા. મુ. ખીમચંદભાઈ હોય તો આ નિર્વાણના લાડુનું સ્પષ્ટીકરણ કરે. અને તમે જાણતા હો તો તમે વાંચવા બેસો ત્યારે તમે કરજો. ખરેખર બાર મહિના વાંચતા હોય તેનો તો અધિકાર પણ છે. અહીંયા તો આપણા રાજકોટનું વાતાવરણ તો ખૂબ સારું છે, નહિંતર બીજે તો વાંચવા માટે હરિફાઈ થાય છે. પહેલાં આપણે રાજકોટમાં નૌતમભાઈ વાંચતા પછી ઘણાં વાંચનકાર પછી મુ. શ્રી રામજીભાઈ અને પૂ.ગુરુદેવના કહેવાથી હું વાંચવા બેઠો. પણ જૂના વાંચનકારના મોઢા ઉપર કંઈ અસર નહીં.
