________________
சிக்
Xx
(१५) पण्णवणा लेस्सापयं १७ उद्देसक ४
[११४]
तावत्ता जाव भुज्जो २ परिणमति, सेएणट्टेणं गोयमा ! एवं वुच्चइ किण्हलेस्सा णीललेस्सं पप्प जाव सुक्कलेस्सं पप्प तारूवत्ताए जाव भुज्जो २ परिणमति । १२२३. सेणूणं भंते! णीललेस्सा किण्हलेस्सं जाव सुक्कलेस्सं पप्प तारूवत्ताए जाव भुज्जो २ परिणमति ? हंता गोयमा ! एवं चेव । १२२४. एवं काउलेस्सा कण्हलेस्सं णीललेस्सं तेउलेस्सं पम्हलेस्सं सुक्कलेस्सं, एवं तेउलेस्सा किण्हलेसं णीललेसं काउलेसं पम्हलेसं सुक्कलेस्सं, एवं पम्हलेस्सा कणहलेसं णीललेस काउलेसं तेउलेसं सुक्कलेस्सं । १२२५. से णूणं भंते ! सुक्कलेस्सा किण्ह० णील० काउ० तेउ० पम्हलेस्सं पप्प जाव भुज्जो २ परिणमति ? हंता गोयमा ! एवं चेव । [सुत्ताइं १२२६-३२. २ वण्णहिगारो ] १२२६. कण्हलेस्सा णं भंते! वण्णेणं केरिसिया पण्णत्ता ? गोयमा ! से जहाणामए जीमूए इ वा अंजणे इ वा खंजणे इ वा कज्जले इवागवले इ वा गवलवलए इ वा जंबूफलए इ वा अद्दारिट्ठए इ वा परपुट्ठे इ वा भमरे इ वा भमरावली इ वा गयकलभे इ वा किण्हकेसे इ वा आगासथिग्गाले इवा किण्हासोए इ वा किण्हकणवीरए इ वा किण्हबंधुजीवए इ वा । भवेतारूवा ? गोयमा ! णो इणट्टे समट्ठे, किण्हलेस्सा णं एत्तो अणिट्ठतरिया चेव अकंततरिया चेव अप्पियतरिया चेव अमणुण्णतरिया चेव अमणामतरिया चेव वण्णेणं पण्णत्ता । १२२७. शीललेस्सा णं भंते! केरिसिया वण्णेणं पण्णत्ता ? गोयमा ! से जहाणामए भिंगे इ वा भिंगपत्ते इ वा चासे ति वा चासपिच्छे इ वा सुए इ वा सुयपिच्छे इ वा सामा इ वा वणराई वा उच्चतए इ वा पारेवयगीवा इ वा मोरगीवा इ वा हलधरवसणे इ वा अयसिकुसुमए इ वा बाणकुसुमए इ वा अंजणकेसियाकुसुमए इ वा णीलुप्पले इ वा नीलासोए इ वा णीलकणवीरए इ वा णीलबंधुजीवए इ वा । भवेतारूवा ? गोमा ! णो णट्ठे समट्ठे, एत्तो जाव अमणामयरिया चेव वण्णेणं पण्णत्ता । १२२८. काउलेस्सा णं भंते ! केरिसिया वण्णेणं पण्णत्ता ? गोयमा ! से जहाणामए खयरसारे इ वा कयरसारे इ वा धमाससारे इ वा तंबे इ वा तंबकरोडए इ वा तंबच्छिवाडिया इ वा वाइंगणिकुसुमए इ वा कोइलच्छदकुसुमए इ वा तंबच्छिवाडिया इवा वाइंगणिकुसुमए इ वा कोइलच्छदकुसुमए इ वा जवासाकुसुमे इ वा कलकुसुमे इ वा । भवेतारूवा ? गोयमा ! णो इणेट्टे समट्ठे, काउलेस्सा णं एतो अणितरिया जा अमणामयरिया चेव वण्णेणं पण्णत्ता । १२२९. तेउलेस्सा णं भंते ! केरिसिया वण्णेणं पण्णत्ता ? गोयमा ! से जहाणामए ससरुहिरे इ वा उरब्भरुहिरे इ वा वराहरुहिरे इ वा संबररुहिरे इ मणुस्सरुहिरे इ वा बालिंदगोवे इ वा बालदिवागरे इ वा संझब्भरागे इ वा गुजद्धरागे इ वा बाइहिंगुलुए इ वा पवालंकुरे इ वा लक्खारसे इ वा लोहियक्खमणी इ वा किमिरंगकंबले र वा गयतालुए इ वा चीणपिट्ठरासी इ वा पालियायकुसुम इ वा जासुमणाकुसुमे इ वा किंसुयपुप्फरासी इ वा रतुप्पले इ वा रत्तासोगे इ वा रत्तकणवीरए इ वा रत्तबंधुजीवए वा । भवेयारूवा ? गोयमा ! णो इणट्ठे समट्ठे, तेउलेस्सा णं एतो इट्ठतरिया चेव जाव मणामतरिया चेव वन्नेणं पण्णत्ता । १२३० पम्हलेस्सा णं भंते! केरिसिया वण्णेणं पण्णत्ता ? गोयमा ! से जहाणामए चंपे इ वा चंपयछल्ली इ वा चंपयभेदे इ हलिद्दा इ वा हलिद्दगुलिया इ वा हलिद्दाभेए इ वा हरियाले इ वा हरियागुलिया इ वा हरियालभेए इ वा चिउरे इ वा चिउररागे इ वा सुपण्णसिप्पी इ वा वरकणगणिहस्ते इ वा वरपुरिसवसणे इ वा अल्लइकुसुमे इ वा चंपयकुसुमे इ वा कणियारकुसुमे इ वा कुहंडियाकुसुमे इ वा सुवण्णलूहिया इ वा सुहिवण्णियाकुसुमे इ वा कोरेंटमल्लदामे इ वा पीयासोगे इ वा पीयकणवीरए इ वा पीयबंधुजीवए इ वा । भवेतारूवा ? गोयमा ! णो इट्ठे समट्ठे, पम्हलेस्सा णं एत्तो इट्ठतरिया चेव जाव मणामतरिया चेव वण्णेणं पण्णत्ता । १२३१. सुक्कलेस्सा णं भंते ! केरिसिया वण्णेणं पण्णत्ता ? गोयमा ! से जहाणामए अंके इ वा संखे इ वा चंदे इ वा कुंदे इ वा दगे इ वा दगरप इ वा दही इ वा दहि इ वा खीरे इ वा खीरपूरे इ वा सुक्कछिवाडिया इ वा पेहुणभिजिया इ वा घोयरूप्पपट्टे इ वा सारइयबलाइए इ वा कुमुददले इ वा पोंडदियदले इ वा सालिसि वा कुडगप्फरासीति वा सिंदुवारवरमल्लदामे इ वा सेयासोए इ वा सेयकणवीरे इ वा सेयबंधुजीवए इ वा । भवेतारूया ? गोयमा ! णो इणेट्ठे समट्ठे, सुक्कलेस्सा णं तो इतरिया चेव कंतयरिया चेव पियतरिया चेव मणुण्णतरिया चेव मणामतरिया चेव वण्णेणं पण्णत्ता । १२३२. एयाओ णं भंते ! छल्लेस्साओ कतिसु वण्णेसु कण्हलेसा कालएणं वण्णेणं साहिज्जति, णीललेस्सा णीलएणं वण्णेणं साहिज्नति, काउलेस्सा साहिज्जइ, पम्हलेस्सा हालिएणं वण्णेणं साहिज्जइ, सुक्कलेस्सा सुक्लिएणं वण्णेणं साहिज्जइ । श्री आगमगुणमंजूषा १०४९
साहिज्जंति ? गोयमा ! पंचसु वण्णेसु साहिज्जंति । तं जहा काललोहिएणं वण्णेणं साहिज्जति, तेउलेस्सा लोहिएणं वण्णेणं
