Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 1789

FOR955555
5
55555
(४३) उत्तरऽज्झयणं (चउत्थं मूलसुन) अ. २९
[३१]
雷克男男男男军事历555520
TO乐乐乐乐乐乐乐乐乐乐乐乐乐乐乐乐%玩乐乐明明明明明明乐明明明明明明明明明明明明明明明明明明明乐乐乐GO
पल्हायणभावं जणयइ । पल्हायणभावमुवगए य सव्वपाण-भूय-जीव-सत्तेसु मेत्तीभावं उप्पाएइ । मेत्तीभावमुवगए यावि जीवे भावविसोहि काऊण निब्भए भवइ १७॥१९॥ ११२०. सज्झाएणं भंते ! जीवे किंजणवइ । सज्झाएणं नाणावरणिज्ज कम्मं खवेइ १८॥२०॥ ११२१. वायणाए णं भंते ! जीवे किं जणयइ ? वायणाए णं निज्जरं जणयइ, सुयस्स य अणासायणयाए वट्टइ। सुयस्स अणासायणयाए वट्टमाणे तित्थधम्म अवलंबइ। तित्थधम्म अवलंबमाणे महानिज्जरे महापज्जवसाणे भवइ १९॥२१|| ११२२. पडिपुच्छणाए णं भंते ! जीवे किं जणयइ ? पडिपुच्छणाए णं सुत्तत्थ-तदुभयाइं विसोहेइ, कंखामोहणिज्जं कम्मं वोच्छिंदइ २०॥२२।। ११२३. परियट्टणाए णं भंते ! जीवे किं जणयइ ? परियट्टणाए णं वंजणाई जणयइ, वंजणलद्धिं च उप्पाएइ २१ ॥२३।। ११२४. अणुप्पेहाए णं भंते ! जीवे किं जणयइ ? अणुप्पेहाएणं आउयवज्जाओ सत्त कम्मपगडीओ धणियबंधणबद्धाओ सिढिलबंघणबद्धाओ पकरेइ, दीहकालट्ठिझ्याओ हस्सकालट्ठिइयाओपकरेइ, तिव्वाणुभावाओ मंदाणुभावाओ पकरेइ, बहुपएसग्गाओ अप्पपएसग्गाओ पकरेइ, आउयं च णं कम्मं सिय बंधइ, सिय नो बंघइ अस्सायावेयणिज्जं च णं कम्मं नो भुज्जो भुज्नो उवचिणाइ, अणाइयं च णं अणवयग्गं दीहमद्धं चाउरंतं संसारकंतारं खिप्पामेव वीईवयइ २२॥२४।। ११२५. धम्मकहाए णं भंते ! जीवे किं जणयइ ? धम्मकहाए णं पवयणं पभावेइ, पवयणपभावए णं जीवे आगमेसस्सभद्दत्ताए कम्मं निबंधइ २३ ॥२५|| ११२६. सुयस्स आराहणयाए णं भंते ! जीवे किं जणयइ ? सुयस्स आराहणयाए अन्नाणं खवेइ, न य संकिलिस्सइ २४ ।।२६।। ११२८. संजमेणं भंते ! जीवे किं जणयइ ? संजमेणं अणण्यत्तं जणयइ २६ ॥२८॥ ११३०. वोयाणेणं भंते ! जीवे किं जणयइ ? वोयाणेणं अकिरियं जणयइ । अकिरियाए भवित्ता तओ पच्छा सिज्झइ बुज्झइ मुच्चइ परिनिव्वायइ सव्वदुक्खाणमंतं करेइ २८ ॥३०॥ ११३१. सुहसाएणं भंते ! जीवे किं जणयइ ? सुहसाएणं अणुस्सुयत्तं जणयइ। अणुस्सुएणं जीवे अणुकंपए अणुब्भडे विगयसोगे चरित्तमोहणिज्ज कम्मं खवेइ २९ ॥३१॥ ११३२. अप्पडिबद्धयाए णं भंते ! जीवे किं जणयइ ? अप्पडिबद्धयाए णं निस्संगत्तं जणयइ । निस्संगत्तेणं जीवे एगे एगग्गचित्ते दिया वा राओ वा असज्जमाणे अप्पडिबद्धे यावि विहरइ ३० ॥३२॥ ११३३. विवित्तसयणासणयाए णं भंते ! जीवे किं जणयइ ? विवित्तसयणासणयाए णं चरित्तगुत्तिं जणयइ । चरित्तगुत्ते य णं जीवे विवित्ताहारे दढचरित्ते एगंतरए मोक्खभावपडिवन्ने अट्ठविकम्मगंठिं निज्जरेइ ३१ ॥३३|| ११३४. विणिवट्टणयाए णं भंते ! जीवे किं जणयइ ? विणिवट्टणयाए णं पावकम्माणं अकरणयाए अब्भुढेइ, पुव्वबद्धाण य निज्जरणयाए तं नियत्तेइ, तओ पच्छा चाउरंतं संसारकंतारं वीइवयइ ३२ ॥३४|| ११३५. संभोगपच्चक्खाणेणं भंते ! जीवे किं जणयइ ? संभोगपच्चक्खाणेणं आलंबणाई खवेइ। निरालंबणस्स य आयतट्ठिया जोगा भवंति, सएणं लाभेणं संतुस्सइ, परस्स लाभं नो आसाएइ, परलाभं नो तक्केइ नो पीहेइ नो पत्थेइ नो अभिलसइ । परस्स लाभं अणस्साएमाणे अतक्केमाणे अपीहेमाणे अपत्थेमाणे अणभिलसेमाणे दोच्च सुहसेज्जं उवसंपज्जित्ताणं विहरइ ३३ ॥३५॥ ११३६. उवहिपच्चक्खाणेणं भंते ! जीवे किं जणयहा? उवहिपच्चक्खाणेणं अपलिमंथं जणयइ । निरुवहिए णं जीवे निक्कंखे उवहिमंतरेण य न संकिलिस्सइ ३४॥३६।। ११३७. आहारपच्चक्खाणेणं भंते ! जीवे किं जणयइ ? आहारपच्चक्खाणेणं जीवीयासंसप्पओगं वोच्छिंदइ। जीवियासंसप्पओगं वोच्छिदित्ता जीवे आहारमंतरेण न संकिलिस्सइ ३५ ॥३७॥ ११३८. कसायपच्चक्खाणेणं भंते ! जीवे किं जणयइ ? कसायपच्चक्खाणेणं वीयरागभावं जणयइ । वीयरागभावपडिवन्ने वि यणं जीवे समसुह-दुक्खे भवइ ३६ ॥३८।। ११३९. जोगपच्चक्खाणेणं भंते ! जीवे किं जणयइ ? जोगपच्चक्खाणेणं अजोगत्तं जणयइ । अजोगी णं जीवे नवं कम्मं न बंधइ, पुव्वबद्धं निज्जरेइ ३७॥३९॥ ११४० सरीरपच्चक्खाणेणं भंते ! जीवे किं जणयइ ? सरीरपच्चक्खाणेणं सिद्धाइसयगुणत्तं निव्वत्तेइ । सिद्धाइसयगुणसंपन्ने य णं जीवे लोगग्गमुवगए परमसुही भवइ ३८ ॥४०॥ ११४१. सहायपच्चक्खाणेणं भंते ! जीवे किं जणयइ ? सहायपच्चक्खाणेणं एगीभावं जणयइ । एगीभावभूए य णं जीवे एगग्गं भावेमाणे अप्पझंझे अप्पकलहे अप्पकसाए अप्पतुमंतुमे संजमबहुले संवरबहुले समाहिए यावि भवइ ३९॥४१॥ ११४२. भत्तपच्चक्खाणेणं भंते ! जीवे किं जणयइ ? भत्तपच्चक्खाणेणं अणेगाई भवसयाई निरुंभइ ४०॥४२॥ ११४३. सब्भावपच्चक्खाणेणं
भंते ! जीवे किं जणयइ ? सब्भावपच्चक्खाणेणं अनियट्टि जणयइ।अनियट्टिपडिवन्ने य अणगारे चत्तारि केवलिकम्मसे खवेइ, तं जहा वेयणिज्ज आउयं नामं गोयं । XeKO55555555555555555555555 श्री आगमगणमंजूषा - १६७०5555555555555555555555555OR
C明明明明明明明明明明明明明明明明明明明明明明明明明明明明明明明明明明明明明明劣劣货明明明明明明志
On Education International