________________
明明明明明明明明听听听听听乐乐66C
(४४) नंदीसूर्य
OCS$$$$$$乐听听听听听听听听听听听听听听 明明明明明明明明明明明明明明明明明明明明明乐乐乐SO
वेढिमे वा पूरिमे वर संघातिमे वा अक्खे वा वराडए वा एगे वा अणगे वा सब्भावट्ठवणाए वा असब्भावट्ठवणाए वा अणुण्ण त्ति ठवणा ठविज्जति । सेत्तं ठवणाणुण्णा २४.णाम-ठवणाणं को पतिविसेसो?णामं आवकहियं, ठवणा इत्तिरिया वा होज्जा आवकहिया वा । ५.से किं तं दव्वाणुण्णा ? दव्वाणुण्णा दुविहा पण्णत्ता, तं जहा-आगमतो य नोआगमतो य । ६. से किं तं आगमतो दव्वाणुण्णा ? आगमतो दव्वाणुण्णा जस्स णं अणुण्ण त्ति पदं सिक्खियं ठितं जितं मितं परिजितं णामसमं घोससमं अहीणक्खरं अणच्चक्खरं अव्वाइद्धक्खरं अखलियं अमिलियं अविच्चामेलियं पडिपुण्णं पडिपुण्णधोसं कंठोट्ठविप्पमुक्कं गुरुवायणोवगयं । से णं तत्थ वायणाए पुच्छणाए परियट्टणाए धम्मकहाए, नो अणुप्पेहाए। कम्हा? "अणुवओगो दव्वं” इति कट्ट। णेगमस्स एगे अणुवउत्ते आगमतो एगा दव्वाणुण्णा, दोण्णि अणुवउत्ता आगमतो दोण्णि दव्वाणुण्णाओ, एवं जावतिया अणुवउत्ता तावतियाओ दव्वाणुण्णाओ । एवमेव ववहारस्स वि । संगहस्स एगो वा अणेगो वा अणुवउत्तो वा अणुवउत्ता वा दव्वाणुण्णा दव्वाणुण्णाओ वा सा एगा दव्वाणुण्णा। उज्जुसुअस्स एगे अणुवउत्ते आगमतो एगा दव्वाणुण्णा, पुहत्तं नेच्छइ । तिण्हं सद्दणयाणं जाणए अणुवउत्ते अवत्थू । कम्हा ? जति जाणए अणुवउत्ते ण भवति । सेत्तं आगमतो दव्वाणुण्णा। ७.से किं तं णोआगमतो दव्वाणुण्णा? णोआगमतो दव्वाणुण्णा तिविहा पण्णत्ता-जाणगसरीरदव्वाणुण्णा भवियसरीरदव्वाणुण्णा जाणगसरीरभवियसरीरवतिरित्ता दव्वाणुण्णा । ८. से किं तं जाणगसरीरदव्वाणुण्णा ? जाणगसरीरदव्वाणुण्णा 'अणुण्ण' -त्तिपदत्थाहिगारजाणगस्स जं सरीरगं ववगयचुतचइयचत्तदेहं जीवविप्पजढं सिज्जागयं वा संथारगयं वा निसीहियागयं वा सिद्धिसिलातलगतं वा, अहोणं इमेणं सरीरसमुस्सएणं 'अणुण्ण' त्ति पयं आघवियं पण्णवियं परूवियं दंसियं णिदंसियं उवदंसियं । जहा को दिलुतो? अयं घयकुंभे आसी, अयं महुकुंभे आसी। सेत्तं जाणगसरीरदव्वाणुण्णा । ९. से किं तं भवियसरीरदव्वापुण्णा ? भवियसरीरदव्वाणुण्णा जे जीवे जम्मणजोणीणिक्खंते इमेणं चेव सरीरसमुस्सएणं आदत्तेणं जिणदिद्वेणं भावेणं 'अणुण्ण' तिपयं सेयकाले सिक्खिस्सइ, न ताव सिक्खइ । जहा को दिटुंतो? अयं घयकुंभे भविस्सति, अयं महुकुंभे भविस्सति । सेत्तं भवियसरीरदव्वाणुण्णा । १०. से किं तं जाणगसरीरभवियसरीरवतिरित्ता दव्वाणुण्णा ? जाणगसरीरभवियसरीरवतिरित्ता दव्वाणुण्णा तिविहा पण्णत्ता, तं जहा लोइया कुप्पावयणिया लोउत्तरिया य । ११. से किं तं लोइया० दव्वाणुण्णा ? लोइया० दव्वाणुण्णा तिविहा पण्णत्ता, तं जहा सचित्ता अचित्ता मीसिया। १२. से किं तं सचित्ता०? सचित्ता० से जहाणामए राया इ वा जुवराया इ वा ईसरे इ वा तलवरे इ वा कोडुबिए इ वा माडबिए इ वा इन्भे इ वा सेट्ठी इ वा सत्थवाहे इ वा सेणावई इ वा कस्सइ कम्हि कारणे तुढे समाणे आसं वा हत्थिं वा उट्टे वा गोणं वा खरं वा घोडयं वा एलयं वा अयं वा दासं वा दासिंवा अणुजाणेज्जा । सेत्तं सचित्ता० । १३. से किं तं अचित्ता० ? अचित्ता० से जहाणामए राया इ वा जुवराया इ वा ईसरे इ वा तलवरे इ वा कोडुबिए इ वा माडंबिए इ वा इन्भे इ वा सत्थवाहे इ वा सेट्ठी इ वा सेणावई इ वा कस्सइ कम्हि कारणे तुढे समाणे आसणं वा सयणं वा छत्तं वा चामरं वा पडगं वा मउर्ड वा हिरण्णं वा सुवण्णं वा कंसं वा दूसं वा मणि-मोत्तिय-संख-सिल-प्पवाल-रत्तरयणमादीयं संत-सार-सावतिज्जं अणुजाणिज्जा । सेतं अचित्ता० दव्वाणुण्णा । १४. से किं तं मीसिया० दव्वाणुण्णा ? मीसिया० दव्वाणुण्णा से जहाणामए राया ति वा जुवराया ति वा ईसरे ति वा तलवरे ति वा कोडुबिए ति वा माडंबिए ति वा इन्भे ति वा सेट्ठी ति वा सेणावती ति वा सत्थवाहे ति वा कस्सइ कम्हि कारणे तुट्टे समाणे हत्थिं वा मुहभंडगमंडियं, आसं वा थासग-चामरमंडियं, सकडगं दासं वा, दासिं वा सव्वालंकारविभूसियं अणुजाणिज्जा । सेत्तं मीसिया० दव्वाणुण्णा । सेतं लोइया० दव्वाणुण्णा । १५. से किं तं कुप्पावयणिया० दव्वाणुण्णा ? कुप्पावयणिया० दव्वाणुण्णा तिविहा पण्णत्ता, तं जहा सचित्ता अचित्ता मीसिया।१६. से किं तं सचित्ता०? सचित्ता० से जहाणामए आयरिए इ वा उवज्झाए इ वा कस्सइ कम्हि कारणे तुढे समाणे आसं वा हत्थिं वा उट्टे वा गोणं वा खरं वा घोडं वा अयं वा एलगंवा दासं वा दासिंवा अणुजाणिज्जा। सेत्तं सचित्ता कुप्पावयणिया० दव्वाणुण्णा। १७. से किं तं अचित्ता० ? अचित्ता० से जहाणामए आयरिए इ वा उवज्झाए इ वा कस्सइ कम्हि कारणे तुढे समाणे आसणं वा सयणं वा छत्तं वा चामरं वा पट्ट वा मउडं वा हिरण्णं वा सुवण्णं वा कंसं वा दूसं वा मणि-मोत्तिय संख-सिन-प्पवाल-रत्तरयणमाइयं संत-सारसावएजं अणुजाणिज्जा । सेत्तं अचित्ता कुप्पावयणिया० दव्वाणुण्णा। १८.से किं तं मीसिया० दव्वाणुण्णा? मीसिया० दव्वाणुण्णा से जहाणामए आयरिए इवा उवज्झाए इ वा कस्सइ कम्हि कारणे तुडे समाणे हत्थिं वाट POS5555555555555555555555 श्री आगमगुणमजूषा - १६९.९.555555555555555555555555OOR
verse:5555555555555555555555555555555555555555555OOK
